Populære bibelvers fra Ebreos 10

Del

Ta na muka te chidiniaiva gia sar cheren nesave llene, mai sukar da amen zor iek avere, ta mai but kana dikha kai o llive e Devleko si mai pase.

Ta morabi te roda te pomozi iek avere te sai avel amen mai but volipe ta te chera o lachipe.

Ta morabi te ava zurale ta te pacha ande so adurichara, soke o Del ka cherel so phenda kana dia po alav.

Morabi te avel tumen zor ande patnia, te sai cheren e volia e Devleki ta gia te sai len so vou phenda kai ka del tumen kana dia po alav.

Goleke morabi te aven pasa o Del iekhe chache liea ta iekhe bare pachamaia, ta te aven jalade amare lie katar e mislura bilache ta te aven jalade i amare esnage iekhe paiea kai si bristo.

Goleke na jasaren tumaro pachape, soke tumaro pachape ka anel tumenge iek baro chari.

Soke te thova amen te chera o bilachipe akana kai sikilam o chachipe, ondaka inai ios kurbano te delpe pala o bilachipe. Samo achel amen e dar katar e kris ta e bari iag kai ka zatril e Devleke dusmanonen.