Populære bibelvers fra Eksodo 8

Del

A e chirimatarke i von cherde chirimata te cheren lluva, ta nasti cherde le. Ta sea lluva pe manusa ta i pe zivirinie. Ondaka e chirimatarke phende e Faraonoke: ¡E Devleko va si kate! A o lio e Faraonoko zurailo ta ni thoda lenge sama, gia sar o Del phendaia.

Ondaka o Del phenda e Moiseseke: Lla kai o Faraon ta phen leke: Gia phenel o Del: Muk te llal me foro, te blagosil man.

A kana o Faraon kurtulisailo katar e zambuke, pale zuriarda po lio ta ni thoda sama e Moiseseke ta e Aaronoke, isto gia sar o Del phendaia.

Soke te na muklan le te llal, me ka cherav te pherdol zambuke sa chi phuv.

Ondaka o Del phenda e Moiseseke: Phen e Aaronoke te inzarel pi rovli ta pe rovliaia te chalavel o prajo e phuviako, te sai cherdol lluva ande sa e phuv katar o Ejipto.

Ta gia o Del cherda le, ta avile katar suako makha kai diliarena ando cher e Faraonoko, ta i avile ande chera katar e llene kai radina leke, ta ando foro katar o Ejipto. Ta e phuv murisaili cheres e makha.