Populære bibelvers fra Efesios 4

Del

Morabi te aven lache ta postene iek averea, ta maskar tumende prostin tumen gia sar o Del prostisarda tumen ando Kristo.

Te aven proste ta lache ta te terpin iek avere volimaia

Na phenen brusne alava, mai sukar phenen ezgode lache te sai bariaren o pachape averengo.

Muken o tristope, na joliaon na urkin ta na kusen averen, ta muken o bilachipe.

Te joliaona, na cheren o bilachipe. Tumari joli te na avel pe tumende sorro llive. Na den than e llavolo.

A cheres sar zivina omanglal, chuden tumendar gua purano manus kai murisailo pala pe bilache mislura. Morabi te aven neve ando duo tumare mislura ta te furiadon katar o nevo manus cherdo prema o Del te achardol kai tumaro zivoto si Devlikano ta kai llan pala o chachipe.

trudin tumen te aven ande iek than cheres e pas kai chidel saurren tumen o Santo Duo

Ta isto vou si kai dia nesave llenen te aven apostolura, averen te aven poraukura, averen te phenen e lachi viasta, ta averen te aven chobanura, averen te aven gola kai sikaven. Gia lacharda e llenen katar o foro santo te cheren iek buchi te sai bariaren e khanlliri e Kristoki lligo ni ka resa saurre te ava ande iek than ando pachape ta te llana katar o Chavo e Devleko, te ava llene gotove gia sar si o Kristo.

Ta ni ka ava sargo minone kai but oma pharruven po mislo ta kai pala varesavi orba muken te kojaven len e llene llangle kai si pherde kojaipe. Goleke morabi ando volipe te phena o chachipe, ta te bariva karing o Kristo kai si o soro e esnagako.