Populære bibelvers fra 2 Korintios 5

Del

Goleke, o lleno kai si e Kristoia si iek manus nevo. E ezgode purane nakhle, ta sa cherdon neve.

O Kristo ni cherda ni iek bilachipe, a cheres amende o Del llindale bilacho te sai llinel amen chache e Devleke ando Kristo.

Akana nasti dikha le, goleke zivi istarde katar o pachape

Sa gala ezgode aven e Devletar, kai lacharda amen pea cheres o Kristo ta dia amen te phena gaia lachi viasta. Gava si kai ando Kristo o Del phagela e joli kai saia e sueto lea, ta ni lia sama katar o bilachipe e manusengo, ta amenge phenda te inllara gaia orba.

Goleke amen sam bichalde ando anav e Kristoko, gava si sargo kana isto o Del molilpe tumenge te asunen amari orba. Goleke, ando anav e Kristoko moli amen tumenge te lachardon e Devlea.

O Kristo mulo pala saurre, te sai gola kai zivin te na zivin von peke, te sai zivin e Kristoke kai mulo ta ustilo katar o meripe pala lende. Goleke amen ni misli amen katar aver llene gia sar cheren le e llene gale phuviake, soke omanglal i amen mislia e Kristotar gia sar mislinape von, a akana ni mislia amen gia e Kristotar.

Akana o volipe e Kristoko gazdaril pe amende. Sar kana llanglam kai vou mulo pala amende, i amen mulam.