Populære bibelvers fra 1 Timoteo 1

Del

Gava si chachipe ta saurre morabi te pachan: Kai o Kristo Jesus avilo pe phuv te braduil e bilachen, ta me sem o purvo lendar.

Goleke o Del avila leke zalba mandar, te sai sikavel o Jesukristo po volipe. Ta gia te sikon mandar e llene kai ka pachan ande lete te sai len o zivoto ostade.

Gaia orba cherel amen te voli iek avere ta gua volipe te likel katar iek lio chisto, katar iek lacho mislo ta katar iek pachape chacho.

¡Bariara ta blagosisara e Charo kai gazdaril ostade, gua kai ni merel kai ni dobil le niko ta amaro edino Del! Gia te avelpe.

Llana kai ni iek zakono ni delpe e llenenge kai cheren o lachipe. O zakono si e llenenge kai ni thoven sama nikake, kai ni kanden, e bilachenge, golenge kai ni den liubao e Devle, e llenenge kai mundaren pe da o pe dade, sa e llenenge kai mundaren, golenge kai cheren o kurvaluko, e murusenge kai cheren o kurvaluko isto e murusenchar, golenge kai bichinen sluge po chorial, e kojamnenge ta sa golenge kai jan sovel bange, sa e llene kai ni llan prema o chacho sikadipe.