Populære bibelvers fra Romatɔwo 8

Del

Míenyae be Mawu wɔa nuwo katã wova zua nyui na ame siwo lɔ̃e la. Ame siawoe eya ŋutɔ yɔ, abe ale si wòɖoe da ɖi la ene.

Elabe meka ɖe edzi bliboe be naneke meli, si ama mí ɖa tso eƒe lɔlɔ̃ gbɔ o: kue loo, alo agbe yea? Mawudɔlawoe loo, alo gbɔgbɔmeŋusẽwo yea? Nu siwo li fifiae loo, alo nu siwo gbɔna dzɔdzɔ ge la yea? Ŋusẽ siwo le dziƒo ʋĩi ke lae loo, alo esiwo le gogloƒewo ke lae loo, alo nuwɔwɔ bubu ƒomevi aɖe yea? Naneke kura meli, si ate ŋu ama mí ɖa tso Mawu ƒe lɔlɔ̃ na mí, si míekpɔ to Kristo Yesu mía Aƒetɔ dzi la gbɔ akpɔ gbeɖe o.

Alea tututue Gbɔgbɔ la kpena ɖe mí ame siwo gbɔdzɔ la hã ŋui, elabe míenya ale si míado gbe ɖa wòadze Mawu ŋu o. Ke Gbɔgbɔ la ŋutɔe xɔa nya ɖe mía nu le Mawu gbɔ kple ŋeŋe manyagblɔ.

Azɔ nu ka fiam nya siawo katã le? Ne Mawu le mía dzi la, ame ka atsi tre ɖe mía ŋuti?

Azɔ la, ame aɖeke mate ŋu abu fɔ ame siwo le hadede me kple Kristo Yesu la o.

Ame si bua nu siwo eƒe ŋutilã di la ɖeɖe ko ŋu la, aku; ke ame si bua nu siwo Mawu ƒe Gbɔgbɔ la di la ɖeɖe ko ŋu la, eyae anɔ agbe ahakpɔ ŋutifafa.

Ke le nu siawo katã me la, míeɖu dzi wu ale si míebui gɔ̃ hã, elabe Kristo lɔ̃ mí.

Le nye nukpɔkpɔ nu la, ne wotsɔ fu siwo kpem míele fifia la sɔ ɖe ŋutikɔkɔe si ɖe ge woala afia mí ŋu la, fukpekpeawo meɖi naneke kura o.

Ame ka alo nu ka gɔ̃ ate ŋu ama mí ɖa tso Kristo ƒe lɔlɔ̃ na mí gbɔ? Fukpekpe, alo xaxa, alo yometiti, alo dɔwuame, alo amamanɔnɔ, alo ŋɔdzinu aɖe, alo amewuwu kple lãnu loo?

Mawu, ame si dzroa amewo katã ƒe dzime kpɔna la, nya Gbɔgbɔ la ƒe didi, elabe Gbɔgbɔ lae xɔa nya ɖe ame siwo ŋu wokɔ la nu, abe ale si Mawu ŋutɔ ɖoe la ene.

Ame siwo katã Mawu ƒe Gbɔgbɔ la kplɔna la, Mawu viwo wonye.

Elabe ame siwo nɔa agbe abe ale si woƒe ŋutilã dii ene la, nu siwo ŋutilã hiã la, ŋu ko wobuna. Ke ame siwo nɔa agbe abe ale si Gbɔgbɔ la dii ene la, nu siwo Gbɔgbɔ la hiã la, ŋu ko wobuna.

Mawu ma, si megbe Via tsɔtsɔ na mí o, ke boŋ wòtsɔe na faa ɖe mí katã mía ta la, ɖe matsɔ nu bubuwo katã hã akpe ɖe eŋuti na mí oa?

Mawu ƒe Gbɔgbɔ la ŋutɔe wɔ ɖeka kple míaƒe gbɔgbɔ heɖia ɖase na mí be Mawu viwo míenye. Ke nenye be Mawu viwo míenye la, ekema Mawu ƒe domenyilawo hã míenye, eye míanyi dome kple Kristo. Ale si míekpe fui abe Kristo ene la, nenema kee woado míawo hã ɖe dzi abe eya ene.

Ale ame si bua nu siwo ŋutilã di la ɖeɖe ko ŋu la, zua Mawu ƒe futɔ, eye mewɔa Mawu ƒe se dzi o. Le nyateƒe me la, mate ŋui hã o vavã.

Mawu ƒe nuwɔwɔwo katã le lalam hetsi dzi vevie be Mawu naɖe viawo ɖe go afia.

Elabe míenya be va se ɖe fifi la, Mawu ƒe nuwɔwɔwo katã le veve sem hele ŋeŋem, abe nyɔnu funɔ si fú le ɖuɖum la ene.