Populære bibelvers fra मती 16

Del

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

आब हम तोरा कहैचियौ, हम तोहर नाम पतरुस राखैचियौ। हम एह्‍या चटानमे आपन मन्‍डली स्‍थापना करबै आ नरकके सक्‍तिसब ओइमे बिजय नै हेबे सक्‍तै।

हम तोरा स्‍वरग राजके कुजीसब देबौ। पिरथिबीमे जे तु बान्‍बिही, से स्‍वरगमे बान्‍हलजेतौ आ पिरथिबीमे जे तु खोलबिही, से स्‍वरगमे खोललजेतौ।”

कथिलेत जे आपन जिबन बचाइले चाहैछै, उ गुमाइतै। महज जे हमर खातिर आपन जिबन गुमाइछै, उ बचाइतै।

सारा सन्‍सार हथियाइयोके आपने आत्‍माके नास करतै त ओकरा कोन फाइदा हेतै? कि आत्‍मासे मुल्‍यबान कोनो चिज छै?

तब येसु फेनो उसबके कहल्‍कै, “महज तुसब हमरा हम के चियै कैहके कहैचिही त?” सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।