Populære bibelvers fra Datguddiad 13

Del

Mae angen doethineb i ddeall hyn. Bydd y rhai sydd â dirnadaeth yn deall beth ydy ystyr rhif yr anghenfil – mae’n cynrychioli person arbennig. Y rhif ydy chwe chant chwe deg chwech.

Yn wir, bydd pawb sy’n perthyn i’r ddaear yn addoli’r anghenfil – pawb dydy eu henwau nhw ddim wedi’u cofnodi yn Llyfr y Bywyd ers i’r byd gael ei greu (sef llyfr yr Oen gafodd ei ladd yn aberth).

Roedd hefyd yn gorfodi pawb i gael marc ar eu llaw dde ac ar eu talcen – ie, pawb, yn fach a mawr, cyfoethog a thlawd, dinasyddion rhydd a chaethweision. Doedd neb yn gallu prynu a gwerthu oni bai fod ganddyn nhw’r marc, sef enw’r anghenfil neu’r rhif sy’n cyfateb i’w enw.

Y rhai sydd i gael eu caethiwo, byddan nhw’n cael eu caethiwo. Y rhai sydd i gael eu lladd â’r cleddyf, byddan nhw’n cael eu lladd â’r cleddyf. Mae hyn yn dangos bod rhaid i bobl Dduw ddangos dycnwch a bod yn ffyddlon.

a gwelais anghenfil yn dod allan o’r môr. Roedd ganddo ddeg corn a saith pen. Roedd coron ar bob un o’i gyrn, ac enw cableddus ar bob un o’i bennau.

Cafodd ganiatâd i ryfela yn erbyn pobl Dduw ac i’w concro nhw, a chafodd awdurdod dros bob llwyth, hil, iaith a chenedl.

Am ei fod yn gallu gwneud gwyrthiau ar ran yr anghenfil cyntaf, llwyddodd i dwyllo pawb oedd yn perthyn i’r ddaear. Rhoddodd orchymyn iddyn nhw godi delw er anrhydedd i’r anghenfil cyntaf oedd wedi’i anafu â’r cleddyf ac eto’n dal yn fyw. Ond hefyd cafodd y gallu i roi anadl i’r ddelw o’r anghenfil cyntaf, fel bod hwnnw’n gallu siarad a gwneud i bawb oedd yn gwrthod addoli’r ddelw gael eu lladd.

Roedd yr anghenfil yn debyg i lewpard, ond roedd ei draed fel pawennau arth a’i geg fel ceg llew. Dyma’r ddraig yn rhoi iddo ei grym a’i gorsedd a’i hawdurdod mawr.

Cafodd yr anghenfil siarad, ac roedd yn brolio ac yn cablu. Cafodd hawl i ddefnyddio’i awdurdod am bedwar deg dau o fisoedd.

Roedd un o bennau’r anghenfil yn edrych fel petai wedi derbyn anaf marwol, ond roedd yr anaf wedi cael ei iacháu. Roedd pobl y byd i gyd wedi’u syfrdanu gan hyn ac yn dilyn yr anghenfil.

Gwelais anghenfil arall wedyn, yn codi o’r ddaear. Roedd ganddo ddau gorn yr un fath ag oen, ond roedd yn swnio fel draig. Roedd yn gweinyddu holl awdurdod yr anghenfil cyntaf ar ei ran. Roedd yn gwneud i bawb oedd yn byw ar y ddaear addoli yr anghenfil cyntaf, sef yr un â’r anaf marwol oedd wedi cael ei iacháu.