Populære bibelvers fra Hebreaid 13

Del

Peidiwch gadael i gariad at arian eich meddiannu chi! – byddwch yn fodlon gyda’r hyn sydd gynnoch chi. Wedi’r cwbl mae Duw ei hun wedi dweud, “Wna i byth eich siomi chi, na throi fy nghefn arnoch chi.”

Mae Iesu y Meseia yr un fath bob amser – ddoe, heddiw ac am byth!

Felly gallwn ni ddweud yn hyderus, “Yr Arglwydd ydy’r un sy’n fy helpu i; fydd gen i ddim ofn. Beth all pobl ei wneud i mi?”

A pheidiwch anghofio gwneud daioni a rhannu’ch cyfoeth gyda phawb sydd mewn angen. Mae’r math yna o aberth yn plesio Duw go iawn.

Felly, gadewch i ni foli Duw drwy’r adeg, o achos beth wnaeth Iesu. Y ffrwythau dŷn ni’n eu cyflwyno iddo ydy’r mawl mae e’n ei haeddu.

Dylai priodas gael ei barchu gan bawb, a ddylai person priod ddim cysgu gyda neb arall. Bydd Duw yn barnu pawb sy’n anfoesol ac yn cael rhyw y tu allan i briodas.

Peidiwch stopio’r arfer o roi croeso i bobl ddieithr yn eich cartrefi – mae rhai pobl wedi croesawu angylion i’w cartrefi heb yn wybod!

Dw i’n gweddïo y bydd Duw, sy’n rhoi heddwch perffaith i ni, yn eich galluogi chi i wneud beth mae e eisiau. Fe ydy’r Duw gododd ein Harglwydd Iesu yn ôl yn fyw, sef Bugail mawr y defaid. Drwy farw’n aberth, seliodd yr ymrwymiad tragwyddol a wnaeth Duw. Dw i’n gweddïo y bydd Duw, drwy’r Meseia Iesu, yn ein galluogi ni i wneud beth sy’n ei blesio fe. Mae’n haeddu ei foli am byth! Amen!