Populære bibelvers fra Deuteronomium 11

Del

Dysga nhw’n gyson i dy blant, a’u trafod nhw pan fyddi adre yn y tŷ, ac i ffwrdd oddi cartref, pan fyddi’n mynd i gysgu, ac yn codi yn y bore.

“Felly dysga’r gorchmynion yma ar dy gof. Rhwyma nhw ar dy freichiau i dy atgoffa di, a gwisga nhw ar dy dalcen i’w cofio.

“Os gwrandwch chi’n ofalus ar y gorchmynion dw i’n eu rhoi i chi heddiw, a charu’r ARGLWYDD eich Duw â’ch holl galon ac â’ch holl enaid, mae e’n addo ‘Bydda i’n anfon glaw ar y tir ar yr amser iawn, sef yn yr hydref a’r gwanwyn, er mwyn i chi gasglu’ch cnydau o ŷd a grawnwin ac olewydd.

“Rhaid i chi garu’r ARGLWYDD eich Duw, a gwneud beth mae e eisiau – cadw ei ganllawiau, ei reolau a’i orchmynion bob amser.

“Gwrandwch yn ofalus – dw i’n rhoi dewis i chi, rhwng bendith a melltith. Bendith gewch chi os byddwch chi’n ufudd i orchmynion yr ARGLWYDD. Ond melltith gewch chi os byddwch chi’n cymryd dim sylw o’i orchmynion, yn troi cefn ar y ffordd dw i’n ei gosod o’ch blaen chi, ac yn addoli eilun-dduwiau dych chi’n gwybod dim amdanyn nhw.

Ysgrifenna nhw ar ffrâm drws dy dŷ, ac ar giatiau’r dref. Os gwnei di hynny, byddi di a dy ddisgynyddion yn aros yn y wlad wnaeth yr ARGLWYDD ei haddo i dy hynafiaid am byth.

“Gwnewch yn siŵr eich bod chi ddim yn troi cefn arno a dechrau addoli duwiau eraill!