Populære bibelvers fra MARKA 9

Del

Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

Cun a pa cu a au i, “Ka zumh ko, sihmanhsehlaw a za lo, ka bawm tuah!” tiah a ti.

Cun Jesuh cu inn chungah a luh hnuah a zultu hna nih khan a thli tein, “Zeicahdah kannih nih kha khuachia kha kan ṭhawl khawh lo?” tiah an hal. Jesuh nih, “Hi bantuk phun hi cu thlacamnak dah ti lo nih cun zeihmanh nih a ṭhawl kho lo,” tiah a leh hna.

Cite hi a ṭha. Sihmanhsehlaw a alnak kha a loh ahcun zeitindah na alter ṭhan khawh ti lai? Nan chungah cite kha i ngeih u law pakhat le pakhat kha i rem tein um u,” tiah a ti.

“Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si,” tiah a ti hna.

Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u,” tiah a ti hna.

Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a ṭha deuh.

Cun nan mit nih an pialter hna ahcun khoih ko u! Mit pahnih he hell chung i tlak nakin mit pakhat he lawng Pathian Pennak chung i luh kha nan caah a ṭha deuh.