Populære bibelvers fra MARKA 13

Del

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

Cu caan cu zeitik ah a si lai kha nan hngalh lo caah i ralring te le fimhring tein um ko u.

Cun an in tlaih hna i zung i an in chuahpi hna tikah, zeidah kan chim lai, tiah a hlankan in nan lungre rak thei hlah u; a caan a phak tikah chim awk ding cu pek nan si te ko lai, cucu chim te ko u. Zeicahtiah nan chimmi bia cu nanmah bia a si lai lo, Thiang Thlarau nih an pekmi hna bia a si lai.

Van le vawlei cu an rawk lai nain ka bia cu a rawk lai lo.

“Sihmanhsehlaw cu ni le suimilam caan cu ahohmanh nih an hngal lo, vancung i a ummi vanmi zong nih an hngal lo, Fapa zong nih ka hngal lo, Pa lawnglawng nih a hngalh.

Cun lamnai i raltuknak thawng nan theih ah siseh, lamhla i nan theih ah siseh, nan awlok chong hlah u. Cu bantuk cu a um awk a si ko, sihmanhsehlaw a donghnak a phan cang, tinak a si lo.

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho. Duak tiah a rat sual ahcun i hngilh hluahmah in, in tanh hna hlah seh. Nan sin ka chimmi hi mi dihlak sin i ka chim a si: Hngilh loin hngak ko u,” tiah a ti hna.

Ram khat le ram khat an i do lai, peng khat le peng khat an i tu lai. A kenkip ah lihnin a um lai i mangṭam a tlung lai. Hi thil hna hi nau nganfah hramthawk bantuk khi an si.

Sihmanhsehlaw caan donghnak a phak hlanah Thawngṭha Bia cu miphun kip sinah chim hmasa a si lai.

Ka min i put in mi tampi an ra lai i, ‘Amah ka si,’ an ti lai i mi tampi kha an hlen hna lai.

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

“Cu harnak caan hnuah cun ni cu a mui lai i thlapa cu a vang ti lai lo, van in arfi cu an tla lai i van ṭhawnnak cu an i hnin lai.