Populære bibelvers fra मत्ती 16

Del

तां यीशु अपड़ै चैला सिंउ बौलु, “अगर कौ मिन्डा चैला बंणना चांहथा, ता सै ऐपु अपड़ा इन्कार करिया जां अपड़ा क्रूस चुकि करि मूं पिचालीं चलि पुईया।”

जां आंउ बि तांउ सिंउ बोलता, कि तु पतरस आ, जां तु मूं पन विश्वास कानारा बाऐ केरै तेईनी नींह भूंणा, जिहीं अक बड़ी चट्टान कोसक्यै घरेरी नींव भूंती, जां तैस पन मोउतिरा कौ जौर ना चलणा।

मूं तुहांनि स्वर्गेरै राज्यरी कुंजी दींणी जां जै किछ धरती पन तुहां बन्हणु; सै स्वर्गा मझ बि भूंणु; जां जै किछ तुवे धरती पन मैहणुवंनी कांनेरी अनुमति दैलै तैस कांनेरी अनुमति परमेश्वरा बि दींणी।”

केईनी कि जै कौ अपड़ा प्रांण बचांणा चहिया, सै तैस गुंआला, जां जै कौ मिंडै तेईनी अपड़ै जीवनैरा त्याग करैला, तेसनी अनन्त जीवन मेईंणा।

अगर मैहणु सारै संसारा हासिल करि लिया जां अपड़ै अनन्त जीवनेरै बारै ना सोचिया ता तेसनी कितु फायदा भूंणा, अक मैहणु अपड़ै प्रांणा केरै बदलै परमेश्वरनी कितु दी सकता?

यीशु तैन्हांं किना पुच्छु, “तुवे कितु सौचतै कि आंउ केणु आ?” शमौन पतरसै जुबाव दिता, कि “तु जींतै परमेश्वरैरा पुत्र मसीह आ।”

यीशु तेसनी जुबाव दिता, कि “हे शमौन योनारै पुत्र। तु धन्य आ, केईनी कि शरीरै जां खूनै ना, पण मिंडै पिताऐ जै स्वर्गा मझ आ, तेनी ऐकेई गल ताउ पन प्रकट की।