Populære bibelvers fra Malaqu%EDas 3

Del

Chik'ama li i jun che i lajuj che i kich'ako kiya pwachoch chila pa k'olb'al b'iroxik, keje ile o ni ktijaw pwachoch. Chik'ama inpam ru' ile, ilb'al re we kinjaq ti wantana chiwe re chikaj, re kinya k'iyal utzil chomal piwi.

Kinya ti chke itzel laj taq chikop chi kkisach uwach i tikon, xaq i uche'lal i uva, kub'ij i Ajwal. Konojel i nimaq taq tinimit kkib'ij ni chiwe, utz iwe yix, man yix kya' ni jun tinimit lik chom chiwe. Yin in Ajwal chi ronojel kintiki che, inb'im.

I Ajwal chi ronojel ktiki che kub'ij: Kintijin chuyijb'axik jun ij chi ike keu'on tan chik intinimit. Keje pacha jun qajawxel kril tob'al uwach i rak'al chi kilawik, keje ni ile Yin kwil tob'al kiwach ike. Are uri yix kiwil tan chik ub'e wach k-anaw jun utz laj winaq xaq wach k-anaw jun utz ti laj winaq, xaq pachin kukoj u'ij i Dios xaq pachin kukoj ti u'ij.

I Ajwal chi ronojel ktiki che kub'ij: “Kintaq b'i ajb'il intzij re kuyijb'a i b'e. I Ajwal, chi yix kixtijin chutzukuxik, lik juntir kok la prachoch. ¡Ya kupon i ajb'il tzij re i trat chi yix lik kirayij!” Lik ya kk'unik kub'ij i Ajwal.