Lik knimar ni ucho'ab',
xwiri lik ru' ti ucho'ab' ire;
i sachanik chi ku'ano lik b'isb'al,
xaq ni'pa i ku'ano is utz kel ru'.
Kusachsaj ni kiwach i achiyab' chi nimaq ki'ij
xaq k'i chke utinimit i Dios.
Rumal usaqlejal,
ni'pa taq i t'oronik ku'ano lik kel ni utz ru',
lik ku'an ni nim che rib',
xaq k'i chke i winaq chi kul kik'ux che ire
xaqte'et kresaj kik'aslemal are nti kkich'ob' che.
Ku'an ni ch'oj ru' i aj-atzil ke i aj-atzil,
xwiri ksachsax ni uwach rumal ire.