Populære bibelvers fra Matiyò 5

Del

Mòtò a rza tànɛyi lì hvààlɛ̀ ètùlù rzi à è ika ò rze yà èwòki. À hwɛnì ndi lì è tɛ̀yìrzɛ̀ ò ŋmanyu yà è mbòkò ema hwètùlù hwe tɛ̀mɛ̀. Aŋga nanù e uŋmɛ̀lɛ̀ ŋmàye ò hwatò hwa arzɛ ema hwa hwèlì ò ndawò. Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

È gbeyi ndi nàa ètùlù ema e uŋmɛ̀lɛ̀ hwatò hwa arzɛ hwa ene rze e njiya ya ama Lohwɛ̀. Mbòwà e ma e òŋgàhwi ò ŋmanyu ya mòòlì e rza tanɛ lì utàmà.

Mònàmɛ̀ nà hwatò ema hwa rzàŋgi mèèmà, èhwanja wɔ̀ hwa ò ɛnɛ Lohwɛ̀.

Mònàmɛ̀ nà hwatò ema hwa òhvi è njàwò nà è nyìrzɛ̀ ò lì gbèya hwèyà ema Lohwà arza nanù ema hwa gbèèye èhwanja Lohwɛ̀ à ò hwa ujirzɛ̀.

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Mònàmɛ̀ na hwatò ema hwa jàneyà hwahvɛhvɛ hwatò ɛ̀yɔ̀lɛ̀, èhwanja Lohwɛ̀ à ò hwa hwɛlɛ hwàànà hwa eni.

Mònàmɛ̀ nà hwatò ema hwa ɛhwɛ, èhwanja Lohwà à ò gbèya hwa òhva mɔ̀nyɛ̀ŋgì hvɛ.

Mònàmɛ̀ nà hwaŋga hwatò ema hwa ò hwɛnɛ mètàkà, èhwanja hwa gbèya mamɛ ema Lohwɛ̀ arza nanù ema hwa gbèèye. Hwa hwèlì ndi ò rze yà Likànèyà la ŋmanyu yà lohwà.”

Mònàmɛ̀ nà hwatò ema hwa uŋmɛ̀lɛ̀ hwahvɛhvɛ hwatò ììlì, èhwanja Lohwɛ̀ mɔ̀ hvɛ à ò hwa ùŋmɛlɛ ììlì.

Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami. È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Mònàmɛ̀ nà hwatò ema hwa arzìhwìrzɛ̀yi, èhwanja è rze ya arzɛ è ò hwɛ ndi è yà awu.

“È hwèlì wòlitò ò mòŋgɛ mà hwatò hwa ene rze ŋgànà hvɔ̀kɔ nà òmà ikpa hvɛ i hwɛni wòlitò ò mòlèlì. Ndi ikpa i wɔ̀lɛ̀nɛyi tɛ̀ wòtɛ̀wu wò eni, nɛ i tànɛyi lì tɛ̀yirzɛ hvɛ e? Jɔ̀ i rzà hwɛnɛ hvɛ tɔ̀ eyà yà gbamù ò lì gbèya. O èŋgànɛ̀lɛ̀ i hvimbahwa ɔ̀nɛyi rzi hwatò hwa ji laala.

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

È òhwi tɛ nanù ema e gbèya eyà, e òhwe ndi ema, ‘Ɛ̀ɛ, na e gbèya.’ Tɔ e ò hwɛ ndi nanù ema, ‘Jàyɛ̀, na rza e gbèya.’ Tɔ̀ mamɛ ema e òhwi lì aka nanù, e uhwɛ̀lɛ̀lɛyi ndi na Mòkarzɛ̀.”

“È ma hwèya ema e ma òhwahwa nanù ema, ‘Mòtò a tuhwi tɛ lìrzɔ la ama ò hvɛhvɛ mòtò, hwa mò tuhwe mɔhvɛ e la eni lìrzɔ. Mòtò a hvɔ̀ki tɛ lìrzòŋga la mòtò mɔhvɛ hwa mò hvɔ̀kɔ e la eni lìrzòŋga.’ Ndi imba na e òhwèyà nanù ema, mòtò à è gbèyi tɛ wòhwe, è rzi timbirzɛlɛ. È hwèlì tɛ ema mòtò à ò rzamì tɛ lùùmbɛ̀ ò lìyamà lì aŋgɔ̀ lɔ̀kɔ, ò mò uŋmɛ̀lɛ̀ hvɛ lìnɛyi lìyamà.

È hwèlì tɛ ema lìirzɔ̀ là aŋgɔ̀ lì ò gbèya ema ò gbèyè wòhwe, ò lì tɔ̀ŋge, ò lì hvimbe ɔ̀nɛyi. O lɔ̀wu ema ò lì wɔ̀lɛ̀nɛ̀, lì aka ema è nyò yà aŋgɔ̀ yà arzɛ è hvimbahwe ò mùnya. È hwèlì hvɛ tɛ nanù ema lìya là aŋgɔ̀ là mòmɛ̀ lì gbèya ema ò gbèye wòhwe, ò lì kɛ ò lì hvimbe ɔ̀nɛyi. È hwèlì gbamù ema ò wɔ̀lɛ̀nɛ̀ èhvarzù yɔ̀kɔ yà aŋgɔ̀ yà nyò, lì aka ema è nyò yà aŋgɔ̀ yà arzɛ è aŋgbawe ò mùnya.”