Populære bibelvers fra ኀበ ሰብአ ቆሮንቶስ 1 6

Del

ኢተአምሩኑ ከመ ማኅደሩ ለመንፈስ ቅዱስ አንትሙ ዘኅዱር ላዕሌክሙ ዘነሣእክሙ እምኀበ እግዚአብሔር ወኢኮንክሙ ለርእስክሙ። በሤጥ ተሣየጠክሙ ሰብሕዎ ለእግዚአብሔር በሥጋክሙ።

ኢተአምሩኑ ከመ ዐማፅያን ወሀያድያን ኢይሬእይዋ ለመንግሥተ እግዚአብሔር ኢያስሕቱክሙ ኢዘማውያን ወኢ እለ ያጣዕዉ ወኢ እለ ይኤብሱ በነፍስቶሙ ወኢ እለ የሐውሩ ወኢእለ የሐውርዎሙ። ወኢሰራቅያን ወኢተዐጋልያን ወኢሰካርያን ወኢጸኣልያን ወኢሀያድያን ኢይወርስዋ ለመንግሥተ እግዚአብሔር።

ጕዩ እምዝሙት እስመ ኵሉ ዘኀጢአተ ይገብር ሰብእ አፍኣ እምሥጋሁ ይገብር ወዘሰ ይዜሙ ለሊሁ በሥጋሁ ይኤብስ።

ብየ ሥልጣን ላዕለ ኵሉ ዘኮነ ወአኮ ኵሉ ዘይበቍዐኒ ወኵሉ ይትከሀለኒ ወአልቦ ዘእሬሲ ይሠለጥ በላዕሌየ መኑሂ።

ወእግዚአብሔር ዘአንሥኦ ለኢየሱስ ክርስቶስ እግዚእነ እሙታን ያንሥአነ ኪያነሂ በኀይሉ።