Populære bibelvers fra Smnlean 50

Del

Lnglungan namu cuuxal we kmphuqil namu yaku. Kiya de, lnglungan Utux Baro so nii we ida malu kiya. So maha tduwa muudus kana ka hbaro seediq, kiya ka betaq ta so nii saya.

Rmengo dheya ka Yosehu: “Iya kiicu, maku so mpririh Utux Baro ka yaku da peni?

Saya, iya kiicu ka yamu. Ida mu dngaun ka yamu ma lqlaqi namu.” Kiya de smbeyax dheya ka Yosehu ma rmengo kari smbleyaq dheya ka heya.

‘Yamu we sai rmengo so nii ka Yosehu, Cuuxal we wada qnnaqah sunan ka dmtswai su, isu we srwai bale ka qnquwan noda daha ma qnnaqah daha.’ Saya, braho su bale srwai bale ka qnquwan noda tnqliyan Utux Baro tama su.” Rmengo kari so nii Yosehu ka dheya. Kiya de lmingis ka Yosehu da.

Rmengo dmtswai na ka Yosehu: “Uxe ku beyo mhuqil ka yaku da. Kiya de Utux Baro we ida maha qmlahang dyamu. Mdudul yamu peeyah hini mosa baro, mquri dxeral sntangan bbege na Abraham, Yijxaq ma Yakobu.”

Mlawa lqlaqi Israel ka Yosehu, psdehu dheya: “Mpqlahang yamu ka Utux Baro. Yamu we maadis buuc mu peeyah hini mosa baro ka yamu.”

Mhuqil ka Yosehu da. Ciida we 1'10 knkawas na ka heya. Seediq we rcuhan daha malu kenux ka heya de, psaun daha kulu ka bqerus na ma, pniqun daha Micrayim.