Populære bibelvers fra Lntadan 2

Del

Mbahang rengac daha ka Utux Baro de lnglungun na ka pnsdhegan daha Abraham, Yijxaq ma, Yakobu. Qmlahang seediq Israel ka Utux Baro, mkela ka Utux Baro.

Wada ka egu hari knkawas, wada mhuqil ka qbsuran paru Micrayim di. Dseediq Israel we ado mqraqil bnqerus daha meepah de, smdaring pshengak pnqraqil daha ka dheya. Rengac daha we pneyah mbqerus pnqraqil we betaq Utux Baro.

Bobo wada paru ka laqi nii de, desun na weewa Paroh hiya ma, mplaqi na. Moseh kesun na tmngayan ka laqi nii. Rmengo: “Ado bnlebil mu peeyah ckceka qsiya ka heya.”

Rmengo laqi mqedil nii ka weewa Paroh: “Adis heya ka laqi nii, tqlii ku hiya, biqun su mu pila ka tnqliyan su.” Kika mqedil kiya de desun na ka laqi ma dngaun na.

Weewa Paroh we meyah trima ssiyo yayung Yeor. Ga mkkesa ssiyo yayung ka dmqedil tnqliyan na. Taan daha ka rawa gaga ckceka brhibuh de, smkagul kingal tnqliyan na mosa mangal rawa kiya.

Wada ka so duma ali, paru ka Moseh di. Mosa dseediq na hiya ka heya ma, taan na gisu daha pqrqilan pqeepah ka dheya. Taan na 1 seediq Micrayim gisu beebu seediq Hiburu. Qmita ssiyo ka Moseh, taan na uka seediq de, phqilun na ka seediq Micrayim nii di ma, reesun na ckceka bnaquy ka bqerus na.