Populære bibelvers fra WAROMA 6

Del

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

Kyamba wunyamaṟi wulechimwidimase, kyamba mulai shi ya wuwawaso kya indi nyi mukeri shi ya wutonga.

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

Nanyo na wudo kewekuitalenyi mui wandu wawewiia wunyamaṟi wapfu, na moo muwode nyi mukuwodye nafo Kristo-hu Yesu mochipfuṟukanya nafo Ruwa.

Aka luihamba luda ngesa? Lukaae lochiwuta kya wunyamaṟi, kundu wotonga wushike ifo ko? O, manyale. So lukamaa iwiia wunyamaṟi wapfu, nyi wuda luwuye-se ikaa nawo lingi ngesa?

Aka mulaichi ke ichu mochikumdambikya cha masinga kyemwanguya madu nao nyio mombia masinga hake mochimwanguya madu kiwe kya wunyamaṟi woduo opfunyi kiwe kya wuidiki woende wuhoṟotsu oshangunyi lo Ruwa.

Indi Ruwa nawikyo mwaano kipfa muwesia ikaa masinga ha wunyamaṟi mukashika yanguya madu mateteṟa-chu mompfunda muiwadambikye koke mukuwode-ho na mrima msanze. Indi mlewuto wusingenyi wo wunyamaṟi nyi musingye wuhoṟotsu wu.