Populære bibelvers fra Jenesesi 28

Del

Na ibaribari miyo dili na weyo, nnerege uing'anela mwatene munayege we eto nnoza duwelihede ilambo yenna. Miyo kadiza duhiya, fiyeda dikwakwanelihede jatene juwandenle miyo.>>

Eto Yehova afwanyeyaga vakwikwive na liye. Mwa enne ohomuwandelaga ira: <<Miyo dili Yehova, Mulugu wa babawo Abarahamu na Mulugu wa Izaki. Miyo nnouvaha weyo vamohi na ahimawo ilambo yenna igonatile we ila.

Noira enne, Jako ohorurumuwa. Agarurumuwile ohoiraga: <<Na ibaribari Yehova uli nimburo neni, so mbwenye miyo kadaiziwile!>>

Nomala eno, Jako ohosakanyaga yolumbela eraga: <<Nyo Mulugu mwakala na miyo, mudisogolrelra ulrendo waga, mudivaha jodja na jowara jejo jinafuna miyo, eto diwelawo daganna ingumi, difiya vande va ababaga mwa murendele, na ibaribari nyo Yehova munokala Mulugu waga. Nibwe neni nnaimeliha miyo nnga nimbozo ni, nnafuna nikale nnga Nyumba ya Mulugu ira dutamalelegeni eva eto divelelege veva yanekumi ya jatene jinadivahege nyo.>>

Ahimawo anoza kakale adjindji nnga tumbulru nnafwanyeya vati. Nyo munoza mmwadeyele makumelo wa nzuwa fiyeda mavirelo wa nzuwa, vamohi na pandi ya norti fiyeda pandi ya suli. Mwa weyo na ahimawo, anoza karelihiwe malogo matene a ilambo ya vati.

Mwa enne Jako ohovaha nimburo nenne nzina na Beteli [ku wonga vande va Mulugu] agali wanle sidadi yenne yaitaniwa Luji.