Populære bibelvers fra Ima̍tiyu 19

Del

Iji̍sɔ̄ɔsi ma̍ wā chi̍i̍, hīya aa̍ ɔkɔ hīka, “Ala̍ ma̍ ko̍ō! Āchɛ̄ɛchɛ i̍ ē ya̍ ē mɛ ni̍ a̍nɛ. Ɔwɔ ma̍, ɔjɔ̄jā i̍ lichi̍chi̍ de ɔ̍ ni̍.”

Bū la ɛbɛ ɔla̍ā, e̍ i̍ re̍ka āchɛ ɛpa gɛ ni̍; āchɛ ūkpo̍he kpo̍kpo̍ bɛ̍ɛ̄nɛ̄ nɛ. Ɔjā nīi Ɔwɔ de ngmo̍tu̍chɛ̄ la ɛbɛ ūkpo̍he ma̍, ɔ̄chɔ̄chɛ ge̍ e̍e gba̍a de ɔ̍ yi̍ya gɛ ni̍.”

Iji̍sɔ̄ɔsi hīya aa̍ ɔkɔ hīka, “O̍ re̍ka ala̍ i̍ ma̍ Īpū yī Ɔwɔ po̍ i̍ngɛ̍ɛ̄nɛ̄ je̍ ni̍? “ ‘La owu̍tu, Ɔwɔ nīi ya̍ ɛjā wa̍a̍ ma̍ ya̍ ɔngrɔ̄ɔ ba̍la ɔnyā. Ɔwɔ ka bɛ̍ɛ̄nɛ̄ hīka, wu̍chē ɔla̍ā nīi ɔngrɔ̄ɔ ɔ̍lɔ ē pīya hī a̍dā yī ɔ̍lɔ ba̍la ɛ̍nɛ̍ yī ɔ̍lɔ ge̍ē ngmo̍tu̍chɛ̄ ba̍la ɔnyā yī ɔ̍lɔ a̍nɛ. Ɛ̍lɛ āchɛ ɛpa ɛla̍ā ɛ̍lɛ de ē pīya āchɛ ūkpo̍he bɛ̍ɛ̄nɛ̄.’

Iji̍sɔ̄ɔsi ka bɛ̍ɛ̄nɛ̄ hīka, “Ala̍ pi̍ye̍mā hī aɛ̍pɛ̄ nīi e̍ ge̍ wā dikpo̍ba̍ u. Ala̍ e̍e gū wā ɔpɔ̄pū ni̍; ma̍a ɔpiyɛ yī ɔchwɔ̄lɛ̍ Oro̍ōre̍ yī Ɔwɔ - iyī āchɛ bāa aa̍ enūma̍ ma̍ nɛ.”

Āchɛ yɛ̄mɛ̄mɛ̄ nīi yɔbū u̍ma̍ama ma̍ ge̍ē de ē gwīihi; āchɛ yɛ̄mɛ̄mɛ̄ nīi chī gwīihi u̍ma̍ama ma̍ chī ge̍ē de ē yɔbū.

Ɔ̄chɛmɔ̄chɛ nīi ge̍ chī pīya hī wɔlɛ̍, kɛ̄ɛ aɛ̍nɛ̍, kɛ̄ɛ a̍dā ba̍la ɛ̍nɛ̍, kɛ̄ɛ ayi̍, kɛ̄ɛ yɛrɔ̄ yī nū wu̍chē yī u, Ɔwɔ ge̍ē de ē gla ɔla̍ā ta̍ iko ohu ɛrwɔ̄ de ɔlɔjā. Ɔwɔ chī ge̍ē de ɔhɔ̄leyī i̍mɔ̄mɛni̍ de ɔlɔjā.

Iji̍sɔ̄ɔsi koko̍o de ɔ̍ hīka, “A ge̍ chikpo̍ ge̍ē hwɔhi ē gɔ̄grāa, gāa ge̍ de ɛjā nīi a lɛ wa̍a̍ ma̍ kpo̍ ra̍, nīi a ā de okpo yī nū kɔ̄ de alyeklo̍, hɛ̄ɛbɛ nīi wɔdu yī wɔ ge̍ hɔ̄ la ɛbɛ yī Ɔchwɔ̄lɛ̍ Oro̍ōre̍ yī Ɔwɔ. Nīi a ā pīya wā ge̍ ku u la u̍tu.”

Iji̍sɔ̄ɔsi hīya anu̍ ɔkɔ hīka, “Oji̍ - ohu̍ nīi a che um ikpo̍ yī lɛlā ɔnɛ̄ɛhɛhi ɔyɔ̍ɔ̄ya̍ ma̍? Je̍ka Ɔwɔ lōri̍īnū - ɔ̄chɛ ɔnɛ̄ɛhɛhi a̍nɛ. A ge̍ chikpo̍ ge̍ē chɛ̄ gāa ɔhɔ̄leyī, ɔ̍lɔma̍ de Lihɔ yī Ɔwɔ gbō.”

Lēchi̍-lēchi̍, n ā koko̍o de ala̍! O̍ ge̍ē hɛ̍ kpɛ̍ɛ ē de ɛbɛ̍ obīho̍ ogbigū la ɔga la a̍rɛ̍pa̍ yī ɔnya̍ hi̍ ɔlwɔdu otū la Ɔchwɔ̄lɛ̍ Oro̍ōre̍ yī Ɔwɔ.”

N chī ge̍ē koko̍o ē de ala̍! Ɔ̄chɛ nīi ge̍ ta̍ ɔnyā yī nū, nīi ɔnyā ɔ̍lɔma̍ i̍ ge̍ ya̍ u̍mūda̍rī o̍bū ni̍, ɔlɔjā ge̍ pīya ge̍ wu̍ ɔnyā ɔha̍, o̍ re̍ka ɔlɔjā la̍ ɔ̍bɔ̍ɔ̄nyā.”

Iji̍sɔ̄ɔsi koko̍o de a̍chi̍kpo̍ yī nū bɛ̍ɛ̄nɛ̄ hīka, “Ala̍ ma̍ ko̍ō! O̍ ge̍ē lichi̍ gba̍a̍ ē de ɔlwɔdu la otū la Ɔchwɔ̄lɛ̍ Oro̍ōre̍ yī Ɔwɔ.