Populære bibelvers fra PUDUT 17

Del

Kareb ulun Abram iwa' ngepulu' iwa' lak idi Tuhan nesilagan neneh, idi kebalaNeh, “Ui ini Allah luk Melalud. Idi do' iko maya' balaKu, idi nganau' luk matu.

Idi na iko tetanen Abram peh, iamo' iko miak tetanen Ibrahim, ngaceku iko pangeh inau'Ku mangun ku taman tuda'-tuda' pupu.

“Idi Ui maya' jani'Ku namu idi nan inulmu muci rat namu, ieh ineh sebuleng pejani' luk meruked. Idi Ui mangun ku Allahmu idi Allah amung-amung inulmu luk muci rat namu.

“Ini jani'Ku namu: Ui pejani' ratnan iko mangun ku taman tuda'-tuda' pupu.

Iamo' kebala Allah, “Na! Awanmu Sara ineh miak nenganak sebuleng anak deléi kuanmu. Idi do' iko neten ngadanneh Isak. Idi Ui miak maya' pejani'Ku arangKu denganneh, idi dengan inulneh, ngaceku ieh ineh aceh pejani' luk meruked.

Idi kuanmu dengan inulmu Ui sikal maré tana' luk inanmu tudo nekini mepad kudeng sakai, ieh ineh amung tana' Kanaan mangun ku babpatmu macing ruked-ruked. Idi Ui mangun ku Allah kuandeh.”

Idi Ibrahim netekunal idi meriruh, keterawéneh, “Miakké seburur lemulun luk ulun meratu lak inan anak? Miakké Sara luk ulun iwa' ngepulu' lak inan anak?”

Idi kebala Allah ni Ibrahim, “Aleg iko neten ngadan awanmu Sarai peh, iamo' rat pad sini ngadanneh Sara.

Rat pad sini do' muyuh nunat amung-amung anak deléi kareb ulundeh ualuh aco, dengan anak demulun luk tinganak bang ruma'mu, idi luk pangeh bilih rat nelun sakai, pad mangun ku tanu' pejani' luk arangKu dengan muyuh.

Iamo' Ui miak maya' pejani'Ku kuan Isak, luk miak ruen Sara nenganak kuanmu bang kareb luk kudeng ini lak baruh.”

Rat pad sini do' muyuh nunat amung-amung anak deléi kareb ulundeh ualuh aco, dengan anak demulun luk tinganak bang ruma'mu, idi luk pangeh bilih rat nelun sakai, pad mangun ku tanu' pejani' luk arangKu dengan muyuh. Anid-anid burur deléi na miak na uen nunat teh, pad pejani'Ku miak mangun ku aceh pejani' luk meruked bang burur muyuh ineh.