Populære bibelvers fra युहन्‍ना 16

Del

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

अ़छ़ङ ओ लावा म़ताहिदा खोक्‍कोसाआ खानानिन झारा अ़छ़ङ्‌दा ऩतित्‍तिन। खोक्‍को आप्‍पिओ अ़चुपाङ्‌लाम्‍पा ऩचेप्‍तिन्‍प़न। खोक्‍कोसाआ दि अ़एन, मो अ़चेप, खोन्‍कि लिसि म़ताओ य़ङ्‌चि खानानिन खाऩएत्‍तिन।

ओन्‍ग़रितारि खानानिन्‌आ अ़ङ्‌ऩङ्‌दा दित्‍छाङ मान्‍दोत्‍त़युक्‍तुम। दोरानुम खोन्‍किना खानानिन्‌आ त़तोक्‍तुम। ओवात्‍नि आम्‍नुओ ऩङानुमा तालाने।

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ। खोन्‍कि खोक्‍को म़ताकिना हेन्‍खामादाओ म़नाचि हेवा, अ़नुवाक लिमा खोन्‍कि छ़ङ्‌छेन्‍माओ अ़तुक्‌वादा मोचिआ अ़फियाङ निकिना खाङ्‌म़मेत्‍तुचि।

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन। मो लेन खानानिन्‌आ अ़ङ्‌का दित्‍छाङ त़सेन्‍ऩङ्‌ऩम़ङ। अ़नुछ्‍या अ़ङ्‌का खानानिन लोनानिन, खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

अ़नुछ्‍या, अ़ङ्‌का खानानिन लोनानिन, खानानिन ओत्‌ओत्‌ओत्‌वा त़खाविन खोन्‍कि आम्‍नुओ राक स़, मेन हेन्‍खामाओ अ़ऩङानु। खानानिन सोखादा त़छुक्‍तिन, मेन आम्‍नुओ सोखा सेवाङ्‌निदा फान।