Populære bibelvers fra छाम्‍माय़ङ 17

Del

मोचिआ निनाम्‍हाङ अ़लाम्‌कि अ़सोप्‌कि अ़धित्‍ने निकिना खोक्‍कोसाआ मो काचि अ़मुवा। खोन्‍नुछाङ, निनाम्‍हाङ आन्‍कान झाराएदाङ्‌का अ़थाया ऩयुङ्‌निनिन। देकिनालो

खोन्‍कि झारा हेन्‍खामादा म़युङ्‌ने निकिना निनाम्‍हाङ्‌आ अ़क्‍छा म़नाएदाङ्‌का झारा रावाचि म़मुयुचि। खोक्‍कोसाआ बुयाङा अ़चुह़ङ्‌मा खोन्‍कि अ़चुस़माओ ग़रिकिना अ़चुयाक्‍खा युङ्‌खाओ अ़इन्‌चिछाङ अ़छ़ङ म़मेत्‍तुप़चि।

निनाम्‍हाङ्‌आ हेन्‍खामा खोन्‍कि मोदा म़याक्‌याङ्‌ओ झारा सामाचि म़मुयुचि। निनाम्‍हाङ्‌ङा निनाम्‍मा खोन्‍कि हेन्‍खामाओ अ़हाङ्‌पाओसा खोक्‍को छुक्‌आ मुमाय़ङ्‌ओ ब़क्‍खाखिम्‌चिदा ऩयुङ्‌निन।

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

आन्‍कान निनाम्‍हाङ्‌ओ अ़छाचि लिसिन्‌ओसा, आन्‍कान म़नाचिओ अ़चुमित्‍मा खोन्‍कि अ़चुसिकिआ मुमाय़ङ हाराक्‌वा, रुपा माङ्‌नालो लुङ्‌ओ सेम्‍पोक्‌वाकोओनि मित्‍मा अ़नुनिन।