Populære bibelvers fra Abaroma 8

Del

Nitumanya okwo Ruhanga akora ebintu byona akabigoshora kabigasira abamugonza, nib'abo abalikwetwa nk'okwo yategekire.

Nimanyage n'orwo rwakuba rufu anga burora, anga bamalaika, anga batwazi b'omw'iguru, anga ebiliho kaanya aka, anga ebilikwija kwija, anga obushobora bw'engeli zona, anga obwemi, anga oburai bw'okugya okuzimu, handiki kyona kyona omu bitondwa, ekirashobora kututaishurana n'engonzi za Ruhanga omuli Kirisito Yesu Omukama waitu tikiliho.

Oku nikwo Mwoyo atujuna omu bujege bwaitu. Kuba titumanya kushoma nshara nk'okwo turagiirwe, shana Mwoyo wenene n'iwe atutelera omushango omu bushasi bungi muno obutali bwa kugambwa.

Mbwenu tugambeki ahali ebyo? Ka Ruhanga araba ali orubaju rwaitu n'ohai aratushobora?

Mbwenu aha rw'ekyo abali ba Kirisito Yesu tibakiina mushango.

Omwoyo kuguteka aha bunyama orwo rufu, kyonkai omwoyo kuguteka ahali Mwoyo obwo burora n'emilembe.

Chei, ebi byona twabisingire omu mani ga Ruhanga ayatugondize.

Nintekeleza okwo obushasi obwa kaanya aka tibwakulengwa kitinwa ekyo tulikwija kushurulirwa.

N'ohai ow'okututaishurana n'engonzi za Kirisito? Tutaishuranwe ebiyengo anga enaku, anga okugingiizibwa, anga eifa, anga okugenda bushai, anga akabi, anga embanda?

Ruhanga ahenjuza emitima y'abantu namanya ebitekelezo bya Mwoyo atelera abatakatifu omushango nk'okwo Ruhanga alikwenda.

Bona abalikuhaburwa Mwoyo wa Ruhanga abo ba Ruhanga.

Aha rw'enshonga abalikuhondera obunyama emyoyo yabo nibagiteka aha bikwete obunyama. Kyonkai abalikuhondera Mwoyo emyoyo yabo nibagiteka aha bikwete Mwoyo.

Wenene Ruhanga ogwo ataganyiire Mwanawe, shana kumuhayo aha bwaitu ichwena, tatuhe buli kantu hamoi nawe?

Mwoyo wa Ruhanga wenene wenene n'iwe alikwetaba n'emyoyo yaitu kwatura okwo tuli baana ba Ruhanga. Katuraba tuli baanabe, aho tuli basika, basika ba Ruhanga mara tuli basika hamoi na Kirisito, ekiliho tushaashe nawe tubone kuhabwa ekitinwa nawe.

Omwoyo ogutairwe aha bunyama ogwo nigushenga Ruhanga; tiguhulira Mateka ga Ruhanga, pe tigwakushobora.

Ebitondwa byona bilindilire n'ekihika kingi okushuruwa kw'abaana ba Ruhanga.

Nitumanya okwo ebitondwa byona bitura byemire hamoi nibitaaga kuhika mwaha.