Populære bibelvers fra Matye 24

Del

Kakolobyeri a ba nɛʔɛ bi sɔ̀lɔ, fwɔɔ koro a gi kaan syɛ̀ɛnnɛ saʔa tamaga í ba cɛ́rɛ. Kàjáa syɔ́ɔnwee wi ga fɔ̀rɔgi kpàraco lè n baa nan gi kwɔ́ɔmi na, wi a syɔɔ.

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Yele si a kɔ́ gi lóʔo kapɛɛngèle n too tátɛɛyaa ni, si wɔ́ɔ kapɛɛngèle tìnmɛ lóʔo. Ki si ga yɛlɛ yele í da fɛ̀ɛgí í, níì cán kérigèle naa myɛ n yɛlɛ ge kpéʔele gbɛnʔɛnɛ. Kàjáa gee bee ban ki a pye gi kwɔ́ɔmi í.

Syɛɛnfelegaa a ba ra tuun kàa na, fàngaa si wɔ́ɔ ba ra tuun kàa na, kateekpoloyi a wɔ́ɔ ba ra tuun, tári si wɔ́ɔ cúngo tɛɛyaa ni. Kérigèle naa myɛ ke a pye wɔʔɔli sélimɛ.

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.

Níì cán syɛ̀ɛnnɛ saʔa a pan bi ba ra mii mɛ́ɛgi nii peyɛɛ na si jo poro be nyɛ Kirisi, si pèle saʔa fáana pùuni.

Lǎli bee ni pe a ra yele kaangi paa wɔʔɔ, sáā yele kúu, yele kéeli si syɛɛnfeleyi myɛ bɛɛn mii mɛ́ɛgi kéele na. Lǎli bee ni pèle saʔa a lúru kàdoʔo ma, sáā peyɛɛ nii pe nigoobèle kɔ́yɔ ni, si wɔ́ɔ peyɛɛ bara. Jànvaafɔɔlɔ saʔa a yìri, pe si a ba pèle saʔa fáana pùuni.

A Zyezu be pye: «Yaa yeyɛɛ kɔ̀rɔsíi, yele a kɔ́ syɔɔn faala yaʔa wi yele fáana pùuni í.

Koro na gi yɛlɛ ye wɔ́ɔ yeyɛɛ zámaga ye yaʔa, níì cán Syɔɔn-pya a pan làlaa ni, lee ni lè yele o wi sɔ̀ngí í.

Koro na gi yɛlɛ yaa kɔ̀rɔsíi, níì cán cángee na yele Kàfɔw a pan lè, yele ga gi cán í.

«Syɔɔn faala ga cángi bee ní lǎli bee cán í, àlí nyɛ̀ʔɛni tundunbéle yoo, Jaafɔw yoo, kapye Tofɔw nibin ban í.

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Amɛɛ ki da pye lè Nowe lǎli ni, ànbée ki a wɔ́ɔ ba pye Syɔɔn-pya laribanni ni. Níì cán sáni lòkpɔɔgi í tári tɔ́n lè, syɛ́ɛnbèle maa kòro ni líi ní i gbo, ní i cèpɔriyi kpéʔele, ní wɔ́ɔ i be pìíbèle kaangi nǎnbèle ma, pe maa ni gee bee myɛ kpéʔele n taa n baa nan Nowe cânjeegi na kɔ́rɔkpɔɔgi ni. A be kòro gi sìnjánmi ni n taa a lòkpɔɔgi baa pe myɛ wáa. Anbée si Syɔɔn-pya lúrubanni a wɔ́ɔ ba pye.