Populære bibelvers fra सपन्याह 3

Del

थारअ परमेशर बिधाता आसा तम्हां संघै। सह आसा बलबान अर तेऊ हेरनै तम्हैं बच़ाऊई। तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै। तेऊ बोल़णीं गिह किल्हैकि सह आसा तम्हां करै खास्सअ खुश।”

तैहा धैल़ी झाल़णैं मुंह तम्हैं कठा संघा आणनैं घअरा लै बापस। तम्हैं करनै मुंह सारै संसारै मशूर संघा करनै मुंह तम्हैं भिई भरै-पूरै।” ईंयां गल्‍ला डाही बिधाता बोली।

बिधाता किई थारी सज़ा माफ अर तेऊ किऐ थारै दुशमण खतम। तम्हां इज़राईलीओ राज़अ बिधाता आसा तम्हां संघै। खरीए धैल़ै छ़ेक्‍कै तम्हैं काटी, ऐबै निं डरने ज़रुरत ई आथी।

भाल़ा! तेभै दैणीं मुंह तिन्‍नां सोभी लै सज़ा ज़ुंणीं तम्हां लै दुख दैनै। मुंह बच़ाऊंणै तिंयां ज़ुंण लाट्टै आसा, मुंह आणनैं तिंयां बापस झाल़ी ज़ुंण दुशमणै दूर आसा निऐं दै। मुंह करनअ इहअ कि सोभी देशे लोग थारै बारै ज़ाणें थारी शान-शोभा अर मशूरी पजैल़णीं सारै संसारै।