Populære bibelvers fra मोत्ती 2

Del

तिंयां डेऊऐ तैहा ज़ैगा ज़िधी ईशूओ ज़ल्म त हुअ द। तिन्‍नैं भाल़अ सह शोहरू तेऊए ईजा मरिअमे भोसल़ै अर तिन्‍नैं टेक्‍कअ उटै पल़ी माथअ संघा लागै सोभ तेऊए च़ाकरी करदै। तेखअ खोल्ही तिन्‍नैं आपणीं-आपणीं बोझ़ल़ी अर तेता का दैनी सुन्‍नअ, लोवान, खुशबूदार किम्मती तेल अर कई च़िज़ा भैंट।

ज़धू यहूदा मुल्खै बेतलेम नगरी ईशूओ ज़ल्म हुअ, तिन्‍नां धैल़ै त तेऊ मुल्खै हेरोदेस राज़ैओ राज़। पुर्बा देशा बाखा का आऐ एरुशलेम नगरी लै जोतषी अर यहूदा मुल्खै पुजी लागै तिंयां इहअ पुछ़दै, “एऊ देशै हुअ यहूदीए राज़ैओ ज़ल्म, सह किधी ज़िहअ हुअ? हाम्हैं भाल़अ पुर्बा बाखा तेऊओ तारअ अर हाम्हैं आसा तेऊ सेटा माथै टेक्‍कदै आऐ दै।”

सह लागअ सरगै तिन्‍नां का आजू-आजू हांढदअ अर तिंयां लागै तेऊ पिछ़ू-पिछ़ू हांढदै अर सह तारअ खल़्हुअ ठीक तैहा ज़ैगा प्रैंदै ज़िधी तेऊ शोहरूओ ज़ल्म त हुअ द।

तेखअ दैनी तिन्‍नां लै परमेशरै सुपनै चतैनगी, “हेरोदेस राज़ै सेटा लै निं बापस डेऊई।” तिंयां बी तिधा का उझ़ुऐ अर तिंयां डेऊऐ होरी बाता आपणैं देशा लै। जोतषी डेऊणैं बाद आअ प्रभूओ एक स्वर्ग दूत युसुफे सुपनै। तेऊ स्वर्ग दूतै बोलअ युसुफा लै इहअ, “हे युसुफ, खल़अ उझ़ू, एऊ शोहरू अर एऊए ईजा संघा निंईं करै डेओआ इधा का मिसर देशा लै अर ज़ेभै तैणीं ताल्है हुंह आप्पै निं बोलूं, तेभै तैणीं रहै तिधी, किल्हैकि हेरोदेस राज़अ आसा लागअ द एऊ शोहरू लोल़अ अर तेऊ आसा लाअ द अह मारी पाई।”