Populære bibelvers fra दानिएल 2

Del

दानिएलै बोलअ इहअ, “परमेशर, तेरै नाओंए लोल़ी जुगै-जुगै तैणीं ज़ै-ज़ैकार हंदी रही, तूह आसा सोभी का बलबान अर तूह ज़ाणा सोभै गल्‍ला। मणछे हर गल्‍ला आसा तेरै बशै, राज़ै लै बल दैआ तूह ई अर तिन्‍नों राज़ खतम बी करा तूह ई, मणछा लै अक्ल अर समझ़ दैआ तूह ई। समझ़णैं कठण अर गुप्त भेद करा तूह ई प्रगट, ताखा हआ तिन्‍नां गल्‍लो बी थोघ ज़ुंण नटिप्प न्हैरै बी हआ, किल्हैकि ताह संघै रहा सदा प्रैश्शअ।

दानिएलै दैनअ ज़बाब, “माहा राज़अ, ज़ुंण गल्‍ल तंऐं पुछ़ी तेतो ज़बाब निं संसारे बडै का बडै पंडत अर जोतषी का बी आथी! पर स्वर्गै आसा परमेशर, सह खोज़ा इना सोभी गल्‍लो भेद। माहा राज़, तेऊ खोज़अ ताखा सुपनै कि आजू किज़ै च़ाल्‍लअ हई। ऐबै खोज़ूं हुंह ताखा कि तंऐं निंजा दी किज़ै सुपनअ भाल़अ।

“ज़ेऊ ज़मानै सह राज़ हणअ, तेऊ ज़मानै करनअ स्वर्गै बेठै दै परमेशरा एक इहअ राज़ खल़अ ज़ुंण कधि खतम निं हणअ। तेऊ राज़ा का निं कोह ज़ितणअ अर तेऊ राज़ा करनअ संसारै सोभिओ राज़ खतम अर सह राज़ रहणअ जुगै-जुगै तैणीं बणी।