Populære bibelvers fra Números 14

Del

Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Tatitojj qhuyapayasistani ucqhajj yanapt'istaniw uca oraker mantañasataquejja, uqhamarus churaraquistaniwa. Uca orakensti, leches, misq'is umjamaw jalasqui.

Caleb sat sirvirejj sapaquiw yakha suma amtäwinejja, jupaquiw chekpachan ist'itänjja, ucatwa jupajj mantanejja cawquïri oraktejj uñjir sarqui ucarojja, ucatsti wawanacaparaquiw ucanjja utjasipjjani.

Jichhasti saram; aqham saraquim: ‘Naya Tatituw jacta, juramentompiw arsuracta cuntejj parlir ist'cta uqhamarjam lurañajjataqui.

Ucatsti Tatitojj Moisesarojj sänwa: —¿Cunapachcamas aca marcajj jisc'achascaquitani? ¿Cunapachcamas nayatjja pächasisipcaquini, jupanac taypina milagronac lurcta ucqhasa?

Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna, take israelitanacarojj aqham sapjjaraquïnwa: —¡Cawquïri oraktejj uñjiri sarapcta ucajj wali sumawa!

Ucampisa chekpacha nayaw jacta, jach'a cancañajjas take acapach phokhantaraquiwa. Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti, jichhasti janiw qhitisa jupanacatjja uñjcaniti, cawquïri oraktejj arojjampi arsusin awquinacapar churä siscta ucarojja. Janiraquiw cawquïrinacatejj jisc'achapquitu ucanacas uñjapcaniti.