Populære bibelvers fra Éxodo 4

Del

Tatitusti sascaquïnwa: —¿Qhitisa jakeru laca churi? ¿Qhitisa luri jan arsur amuturusa, okararusa, uñjqui ucarusa, juyqhurusa? ¿Janiti naya Diosäctjja? Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.

Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.

Ucatsti Tatitojj Moisesatac colerasisajj sänwa: —¿Janiti ucancqui Aarón sat levita jilamajja? Nayajja yattwa jilamajj suma parlirïtapa. Ucampis jupajja jumar purir uñjasinjja wali cusisitaw jutani catokañataqui.