Populære bibelvers fra Éxodo 23

Del

Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma. Uqhamaraqui marcamanjja janiw mä warmisa sullurejj utjcaniti, ni jan wawachiri warmisa utjcaniti. Nayasti jacañwa yapt'äma urunacamajj phokhasiñapcama.

“Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Ucampis jumatejj jupan arunacap ist'asina jaysäta, uqhamarac cunanactejj sapcsma ucanacsa luraraquïta ucajja, nayawa uñisirinacaman enemigopäyäjja, uqhamaraqui nayajja janiwa muncaraquïti qhitinacatejj jan munapctam ucanacarojja.

“Janiw arcätati ñankha luririnacarojja, jupanacajj waljanïpcchi ucasa; arsüwimansti chekaparu arsuraquim jan jupanacar jaysasa. Uqhamaraqui chekaparu uñjañansti janiw pobrenacatsa arjjatasïtati.

“Jan c'ari arunacjja parlamti, janirac c'ari arunac parliri jakerus arjjatasin yanapt'amti.