Populære bibelvers fra MIKA 4

Del

Tondũ rĩrĩ, andũ a ndũrĩrĩ ciothe marũmagĩrĩra kĩrĩra kĩa ngai ciao-rĩ, na ithuĩ-rĩ, tũrĩrũmagĩrĩra kĩrĩra kĩa Jehova Ngai witũ tene na tene.

nacio ndũrĩrĩ nyingĩ ithiĩ kuo, ikiugaga ũũ: Atĩrĩrĩ, nĩtwambate tũthiĩ kĩrĩma-inĩ kĩa Jehova, tũkinye nyũmba ya Ngai wa Jakubu, nĩguo atũrute ũhoro wa mĩthiĩre yake, na ithuĩ tũcoke gũthiaga na njĩra ciake; nĩ gũkorũo Zayuni nĩgũkoima ũtaarani, o naguo ũhoro wa Jehova ũtambũke uumĩte Jerusalemu.

No rĩrĩ, matukũ ma kũrigĩrĩria nĩgũgakinya atĩrĩ, atĩ kĩrĩma kĩrĩa nyũmba ya Jehova yakĩtwo nĩgĩgaikara kĩrũmĩtio kĩagararĩte tũcũmbĩrĩ twa irĩma iria ingĩ, na gĩtũũgĩrio gũkĩra ithũngũri iria ingĩ; nao andũ a ndũrĩrĩ nĩkuo makomokagĩra

Nake nĩagatuithania ndũrĩrĩ nyingĩ macira, o nacio ndũrĩrĩ iria irĩ hinya cia kũndũ kũraya acirũithie; nacio icoke gũtura hiũ ciacio cia njora ituĩke hiũ cia mĩraũ, o namo matimũ ma cio matuĩke hiũ cia gũceha mĩtĩ: gũtirĩ rũrĩrĩ rũgacoka gũcomorera rũrĩa rũngĩ rũhiũ rũa njora, o na kana icoke kwĩĩgithia mbaara rĩngĩ o na rĩ.