Populære bibelvers fra Ndwuma 5

Del

Na Peter nye asomafo no buae see dɛ, Otwar dɛ yetsie Nyankopɔn asɛm mbom kyɛn nyimpa dze.

Na woenngyaa dɛ daa nyina wɔ asɔrfi mu nye efiefie no, wɔkyerɛkyerɛ na wɔka asɛmpa wɔ Jesus ho, dɛ ɔno nye Kraest no.

Na Peter see dɛ, Ananias, ɔyɛ dɛn na Satan ahyɛ w’akoma ma dɛ ibedzi ator akyerɛ Sunsum Krɔnkrɔn no, na edze asaase no ne tsisika no bi esuma? Ana ɔwɔ hɔ no, nnyɛ wankasa wodze bi a? Na wɔtɔnee no, onnyi wankasa wo nsamu bi? Ɔyɛ dɛn na adwen adze yi wɔ w’akoma mu? Nnyɛ nyimpa na edzi ator akyerɛ hɔn, na Nyankopɔn a. Na Ananias tsee nsɛm yi no, otwae hwee famu wui, na hu kɛse kaa hɔn a wɔtsee yinom nyina.

Na afei mese hom dɛ, Hom ntwe hom ho mfi nyimpa yi ho, na hom ngyaa hɔn: na sɛ apam yi anaa edwuma yi fir nyimpa mu a, obobutuw; na sɛ ofir Nyankopɔn a, hom runntum mmbutuw no, amma hom aammbɛyɛ dɛ hom nye Nyankopɔn mpo roko.