Populære bibelvers fra یُوحنّا 11

Del

یِسُوع اوہنوں آکھیا قیامت تے زِندگی مَیں آں۔ جیہڑا میرے اُتّے اِیمان لیاؤندا اے بھانویں اوہ مر جائے تَد وی جِیئے گا۔ تے جیہڑا کوئی جِیوندا اے تے میرے اُتّے اِیمان لیاؤندا اے کدی وی نئیں مرے گا۔ تُوں ایہہ گلّ مننی ایں؟

یِسُوع اوہنوں آکھیا مَیں تینُوں نئیں سی آکھیا جے تُوں اِیمان لِیاویں تے خُدا دا جلال ویکھیں گی؟

یِسُوع دے اتھرُو وَگ پئے۔

یِسُوع ایہہ سُن کے آکھیا ایہہ بیماری مَوت دی نئیں اے پر خُدا دے جلال لئی۔ تاں جو خُدا دے پُتر دا اوہدے کر کے جلال ہوئے۔

تے ایہہ آکھ کے بڑے زور نال آکھیا اَے لعزر باہر آ۔ مُردہ پَٹّیِاں نال ہتّھ پَیر بَدّھے ہوئے نِکل آیا تے اوہدا مُنھ رُومال نال وھلیٹیا ہویا سی۔ یِسُوع اوہناں نُوں آکھیا۔ اوہنوں کھولو تے اوہنوں جان دیو۔

تَد فیر یِسُوع اپنے آپ وِچ غم کر دا قبر اُتّے آیا۔ اوہ اِک غار سی تے اوہدے اگّے پتّھر رکھیا ہویا سی۔

ایہہ گلّاں آکھ کے اوہناں نُوں آکھن لگّا پئی ساڈا دوست لعزر سَوں گیا اے۔ پر مَیں جانا آں پئی اوہنوں جگاواں۔