Populære bibelvers fra Yesus 'ai so-soma'a 14

Del

“Hei, i'a sa'olo ngini ni 'a'a so'o nena-ne? Ngomi ne mai manusia ḏi'i 'i ma tero sa'olo ngini! Ngomi mi sapolo 'ane mi singadolo Habari Roanga ra ngini, la na sieanga 'ori i'a ma fa'eda 'i cua nena-ne re ni silamo'o re siḏubuso Ma Jou'ongu Madutu ḇato. Unanga gena-ge 'ai 'ahu kasingado-ngadolo i'a re 'O sidadi ḏua diwanga re 'o dungia re ma dara mo-moini.

Ngowa'a gena-ge tegoro 'a sigi-gisene Paulus 'ai do-doto'o. Paulus 'u tailako re 'o nana'o ngowa'a gena-ge rai ngo-ngaku ra Yesus singadolo 'o la nyengara. Ḏua Paulus 'u lakodoto unanga re 'o kanau 'a siduga-duga, “No te'oso bo-boloto ie!” Unanga gena-ge 'o maḏupaka te'oso, kara ro tagi.

Toma jama'ata mo-moini, Paulus re 'a Barnabas 'aḏi sitede manga jama'ata ma bi-biri'i. Ananga 'aḏi manyiata re 'aḏi puasa 'aḏi golo'o ra Ma Jou'ongu Madutu la Unanga ya'u kalesanga ananga, sababu ananga 'U ngaku Unanga ḏua.