Populære bibelvers fra Ore i mexü̃ ga Márcu ümatüxü̃ 2

Del

Rü yexguma yemaxü̃ naxĩnügu ga Ngechuchu rü ñanagürü nüxü̃: —Ngẽma tama ida̱xaweexü̃ rü tama nanaxwa̱xe ya dutúru, natürü ngẽma ida̱xaweexü̃ nixĩ i naxwa̱xegüxü̃ ya dutúru. Choma rü tama ngẽma mexü̃güca̱x núma chaxũ, natürü núma chaxũ nax nüxna chaxuxü̃ca̱x i ngẽma pecaduã̱xgüxü̃ —ñanagürü.

Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü ga yéma nangetaü̃güxü̃, rü ñanagürü nüxü̃ ga gumá nawãĩxãchicü: —Pa Chaunex, curü pecadugü rü marü cuxü̃́ nüxü̃ charüngüma —ñanagürü.

Rü ñanagürü ta ga Ngechuchu: —Ngẽma ngü̃xchigaarü ngunexü̃ rü duü̃xü̃güca̱x nixĩ ga naxüxü̃. Rü tama ngü̃xchigaarü ngunexü̃ca̱x nixĩ ga naxüxü̃ ga duü̃xü̃gü.

Natürü namuxũchi ga duü̃xü̃gü, rü taxucürüwama Ngechuchuxü̃tawa nangugü. Rü yemaca̱x ínanapogüétü ga gumá ĩpata ga Ngechuchu íyexmaxü̃wa. Rü yéma norü caruxü̃gu ínanachü̱xüxüetaü̃gü ga gumá nawãĩxãchicü.

Natürü ñu̱xma rü tá pexü̃ nüxü̃ chadauxẽxẽ nax Tupana Nane ya duü̃xü̃xü̃ ixĩcü, rü nüxü̃́ nangẽxma i pora nax duü̃xü̃güaxü̃́ nüxü̃ iyanangümaxü̃ i norü pecadugü —ñanagürü. Rü ñu̱xũchi gumá nawãĩxãchicüxü̃ ñanagürü: —Cumaxã nüxü̃ chixu rü ¡inachi, rü nayaxu i curü caruxü̃, rü cupatawa naxũ! —ñanagürü.

¿Ta̱xacü nixĩ i rütauchamaexü̃ nax namaxã nüxü̃ ixuxü̃ ya daa nawãĩxãchicü: “Curü pecadugü rü marü cuxü̃́ nüxü̃ charüngüma”, rü ẽ̱xna: “¡Inachi, rü nayaxu i curü caruxü̃, rü íixũ!” ñaxü̃?

Rü yexgumatama inachi ga gumá nawãĩxãchicü. Rü nanayaxu ga norü caruxü̃, rü ínaxũxũ nape̱xewa ga guxü̃ma ga yema duü̃xü̃gü ga yéma yexmagüxü̃. Rü yemaca̱x ga yema duü̃xü̃gü rü naba̱i̱xãchiãẽgü, rü Tupanaxü̃ nicua̱xüü̃gü, rü ñanagürügü: —Taguma nüxü̃ tadau i ta̱xacü i ñaarüxü̃ ixĩxü̃ —ñanagürügü.