Populære bibelvers fra Ore i mexü̃ ga Márcu ümatüxü̃ 10

Del

Rü woo ya Tupana Nane ya duü̃xü̃xü̃ ixĩcü, rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Rü Ngechuchu rü nüxü̃ nadawenü, rü nanangãxü̃ rü ñanagürü nüxü̃: —Yatügü rü taxuacüma nügü namaxẽxẽ, natürü Tupanaaxü̃́ rü natauxcha i ngẽma, erü Tupanaca̱x rü nataxuma i ta̱xacü i guxchaxü̃ —ñanagürü.

Rü yexguma ga Ngechuchu, rü ñanagürü nüxü̃: —¡Ẽcü, nataegu! Rü marü cuxca̱x nitaane erü cuyaxõ —ñanagürü. Rü yexgumatama ga gumá ngexetücü rü nidauuchi, rü Ngechuchuwe narüxũ ga namawa.

Rü ngẽmaca̱x tama name nax texé nügüna tayaxĩgachixẽẽxü̃ i ngẽma taxre ya Tupana nügüna mugüxü̃ —ñanagürü.

Rü yexguma ga Ngechuchu rü nüxü̃ nangechaü̃ãcüma nüxü̃ nadawenü, rü nanangãxü̃ rü ñanagürü: —Rü wüxixicatama cuxü̃́ nataxu. ¡Rü íixũ, rü namaxã yataxe i guxü̃ma i curü ngẽmaxü̃gü, rü ñu̱xũchi togü i ngearü ngẽmaxü̃ã̱xgüxü̃na naxã i ngẽma curü natanü! Rü ngẽmaãcü tá cuxü̃́ nangẽxma i cuchica i daxũguxü̃ i naanewa. Rü ngẽmawena rü marü name i chowe curüxũ —ñanagürü.

Rü Ngechuchu nüxna naca, rü ñanagürü nüxü̃: —¿Ta̱xacü nixĩ i cunaxwa̱xexü̃ nax cuxca̱x chaxüxü̃? —ñanagürü. Rü nüma ga gumá ngexetücü, rü nanangãxü̃, rü ñanagürü: —Pa Ngúexẽxẽruxü̃, chanaxwa̱xe nax chidauuchixü̃ —ñanagürü.

Natürü taxũtáma ngẽmaãcü nixĩ i petanüwa. Erü ngẽxguma petanüwa texé naxwa̱xegu nax togüétüwa tangexmaxü̃, rü name nixĩ i tümamücügüarü mugüruxü̃ tixĩxü̃.

Rü aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü taxũtáma nagu taxücu ya Tupana ãẽ̱xgacü íyixĩxü̃wa —ñanagürü.

Natürü muxü̃ma i nümaxü̃ i ñu̱xma ñoma i naanewa duü̃xü̃gü wixpe̱xewa ügüxẽẽxü̃, rü daxũguxü̃ i naanewa rü Tupana tá wixweama nanaxügüxẽxẽ. Rü muxü̃ma i nümaxü̃ i ñu̱xma ñoma i naanewa duü̃xü̃gü wixweama ügüxẽẽxü̃, rü daxũguxü̃ i naanewa rü Tupana tá wixpe̱xewa nanaxügüxẽxẽ —ñanagürü.

Natürü noxriarü ügügu, rü Tupana nanaxü ga yatüxü̃ rü ngexü̃. Rü ngẽmaca̱x ya yatü rü tá nanatüna rü naéna nixũgachi nax naxma̱xmaxã inaxã́ũxü̃ca̱x. Rü ngẽmaãcü i ngẽma taxre rü ñoma wüxitama i duü̃xü̃rüxü̃ tá nixĩgü. Rü marü taxũtáma taxre nixĩ, erü wüxi tátama nixĩ.