Populære bibelvers fra Miquéa 4

Del

Rü ngẽma togü i nachixü̃anecüã̱x i duü̃xü̃gü rü noxrütama tupanagüga naxĩnüe, natürü i yixema rü guxü̃gutáma naga taxĩnüe ya yimá tórü Cori ya Tupana.

Rü muxũchixü̃tama i duü̃xü̃gü tá ngéma nangugü rü ñanagürügü tá: —¡Nua pexĩ rü ngĩxã daa ma̱xpǘnewa dauxü̃ taxĩgü nax nawa ingugüxü̃ca̱x ya yima Acóbutanüxü̃arü Tupanapata ya taxü̃ne nax nüma tüxü̃ nangúexẽẽxü̃ca̱x i ngẽma mexü̃ i nacüma nax ngẽmagu ixĩxü̃ca̱x! —ñanagürügü tá. Erü daa ma̱xpǘne ya Chióü̃wa tá nixĩ ya Cori ya Tupana i tüxü̃ nangúexẽxẽxü̃. Rü Yerucharéü̃wa tá nixĩ i ne naxũxü̃ i norü ore.

Rü ngẽma nawa iyacuáxü̃ i ngunexü̃gügu rü tá nawa nangu nax yima ma̱xpǘne ya Tupanapata ya taxü̃ne nagu üxü̃ne rü tá guxü̃nema ya naigü ya ma̱xpǘnegüarü yexera natachiga. Erü ngéma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.

Rü nüma ya Cori ya Tupana tá nixĩ i namexẽxẽãxü̃ i nachixü̃anegüarü guxchaxü̃gü rü woo i ngẽma nachixü̃anegü i yáxü̃wa ngẽxmagüxü̃arü guxchaxü̃gü. Rü ngẽma duü̃xü̃gü rü aiegumüaneruxü̃ tá nayaxĩgüxẽxẽ i norü taragü, rü yima norü wocaxegü, rü tríguarü buxruxü̃ tá nayaxĩgüxẽxẽ. Rü taxuxü̃táma to i nachixü̃ane rü wena naxãxnegü nax togümaxã nügü nada̱i̱xü̃ca̱x rü taxúetama texé tanangúexẽxẽ i daixchiga.