Populære bibelvers fra Ore i mexü̃ ga Matéu ümatüxü̃ 24

Del

Rü poraãcü tá nangẽxma i chixexü̃, rü ngẽmagagu rü muxũchixü̃tama i duü̃xü̃gü rü taxũtáma nügü nangechaü̃gü. Natürü yíxema naétüwa mea Tupanaaxü̃́ yaxõõmáxẽ rü yíxema tá tixĩ ya aixcüma nayaxúxe i maxü̃ i taguma gúxü̃.

Rü ngẽma Tupanaarü ore i mexü̃ rü guxü̃ i naanewa tá nüxü̃ nixugügü nax guxü̃ i duü̃xü̃gü nüxü̃ nacua̱xgüxü̃ca̱x. Rü ngẽmawena tá nixĩ i nagúxü̃ i naane.

Rü tá nüxü̃ pexĩnüechiga nax nügü nada̱i̱xü̃ i ñuxre i nachixü̃anegü rü nügü nax nadaixchaü̃xü̃ i togü i nachixü̃anegü. ¡Natürü taxũtáma ngẽmaca̱x peba̱i̱xãchiãẽgü! Erü woetama ngẽmaãcü tátama nangupetü i noxrix. Natürü taxũtáma naanearü gu̱x nixĩ i ngẽma.

Erü wüxi i nachixü̃ane rü to i nachixü̃anemaxã tá nügü nadai. Rü wüxi i ãẽ̱xgacü rü to i ãẽ̱xgacümaxã tá nanu, rü norü churaragü rü ngẽma to i ãẽ̱xgacüarü churaragümaxã tá nügü nadai. Rü tá taiya nangu̱x, rü tá nataxüchi i da̱xaweanegü, rü muxü̃ma i nachicagüwa rü tá naxĩã̱xãchiane. Rü guxü̃ma i ngẽma pemaxã nüxü̃ chixuxü̃, rü ngẽma nixĩ i norü ügümare i ngẽma ngúxü̃ i tá ínguxü̃.

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Erü muxũchixü̃ tá chauégagu ínangugü, rü ñanagürügü tá: “Choma nixĩ i Cristu”, ñanagürügü tá. Rü muxü̃ma i duü̃xü̃güxü̃ tá nawomüxẽẽgü.

Rü ngẽxguma i perü uanügü rü tá pexü̃ ínayauxü̃ nax pexü̃ yacua̱i̱xgüxü̃ca̱x rü pexü̃ nada̱i̱xü̃ca̱x. Rü guxü̃ma i duü̃xü̃gü rü tá chaugagu pexchi naxaie. Rü ngẽxguma rü muxũchixü̃ i chorü duü̃xü̃gü rü tá nüxü̃ narüxoe nax choxü̃́ yaxõgüãxü̃, rü nügütanüwa rü tá nügüchi naxaie. Rü nügüechita tá ãẽ̱xgacüxü̃tawa nügü ínayaxuaxü̃gü. Rü muxũchixü̃ i orearü uruü̃güneta tá ínangugü. Rü tá nüxü̃ nixugügü nax Tupana yixĩxü̃ ya núma namugücü nax nüxü̃ yaxugüxü̃ca̱x i ore. Rü ngẽmaãcü tá muxũchixü̃ i duü̃xü̃güxü̃ nawomüxẽẽgü.

Rü yexguma ga Ngechuchu rü ñanagürü nüxü̃: —¡Pexũãẽgü nax taxúema pexü̃ womüxẽẽxü̃ca̱x!

Rü ngẽmaca̱x name nixĩ i pexuãẽgü i pemax. Erü ngẽma ngunexü̃ i tama nagu íperüxĩnüexü̃gu tá nixĩ i ngürüãchi ínanguxü̃ ya Tupana Nane ya duü̃xü̃xü̃ ixĩcü.

¡Pexũãxẽgü! Erü tama nüxü̃ pecua̱x i ta̱xacürü ora tá ínangu i perü Cori.

Natürü ngẽma ngunexü̃ rü ora i nagu tá nangupetüxü̃ i ngẽma pemaxã nüxü̃ chixuxü̃, rü Chaunatü ya Tupanaxicatama nüxü̃ nacua̱x nax ñuxgu tá nangupetüxü̃ i ngẽma, rü taxúema ya togue nüxü̃ tacua̱x. Rü woo i norü orearü ngeruü̃gü i daxũcüã̱x rü tama nüxü̃ nacua̱xgü, rü woo ya Tupana Nane rü tama nüxü̃ nacua̱x nax ñuxgu tá nangupetüxü̃ i ngẽma.

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Rü yexgumarüxü̃ ga duü̃xü̃güxü̃ ngupetüxü̃ ga yexguma Noé maxü̃gu, rü ngẽxgumarüxü̃ tá ta nüxü̃ nangupetü i ngẽxguma ínanguxgu ya Tupana Nane nax duü̃xü̃xü̃ ixĩcü. Rü yexguma, naxü̃pa ga gumá mucü ga taxüchicü ga guxü̃wama inanguanexẽẽcü, rü ga duü̃xü̃gü rü nachibüe, rü naxaxegü, rü nixãma̱xgü rü nixütexacügü ñu̱xmata nawa nangu ga yema ngunexü̃ ga Noé nagu naweü̃gu ixüexü̃. Rü yexguma duü̃xü̃gü tama nagu irüxĩnüegu ga yema tá nüxü̃ ngupetüxü̃, rü ínangu ga gumá mucü ga taxüchicü ga yema duü̃xü̃güxü̃ daicü. Rü ngẽxgumarüxü̃ tá ta nixĩ i ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü.