Populære bibelvers fra Ore i mexü̃ ga Luca ümatüxü̃ 2

Del

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Natürü yema orearü ngeruxü̃ ga daxũcüã̱x, rü ñanagürü nüxü̃: —¡Taxṹ i pemuü̃exü̃! Erü pexca̱x nua chanange i wüxi i ore i taãẽxẽẽruxü̃ i guxü̃ i duü̃xü̃güca̱x ixĩxü̃.

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Rü niyachigü ga Ngechuchu, rü yexeraãcü nüxü̃ nicuáchigü. Rü Tupana rü namaxã nataãxẽ, rü guxü̃ma ga duü̃xü̃gü rü ta namaxã nataãẽgü.

Rü ñaa tá nixĩ i perü cua̱xruxü̃. Rü tá nüxü̃ ipeyangau ya wüxi ya bucü ya naxchápenüxü̃maxã nuquecü ya wocaarü chibüchicagu cacü —ñanagürü.

Rü Beréü̃arü ngaicamana nayexmagü ga ñuxre ga carnérugüarü dauruü̃gü ga chütacü nachitaxü̃wa norü carnérugüna ídaugüxü̃. Rü ngürüãchi yema carnérugüarü dauruü̃güca̱x nango̱x ga wüxi ga daxũcüã̱x ga Cori ya Tupanaarü orearü ngeruxü̃. Rü Tupanaarü üünemaxã guxü̃wama nangóone. Rü yema carnérugüarü dauruü̃gü rü poraãcü namuü̃e.