Populære bibelvers fra Ínachoxü̃xü̃chiga 34

Del

Rü Moichépe̱xewa naxüpetü rü tagaãcü ñanagürü: —Chomax rü Cori chixĩ. Chomax rü Cori chixĩ. Rü choma nixĩ ya Tupana ya mecümacü rü ngechaü̃wa̱xecü, rü yáxna ĩnüwa̱xecü, rü aixcüma ngechaü̃cü choxü̃́ ngẽxmacü rü aixcümaxü̃ ixucü chixĩ i chomax. Rü choma rü guxü̃guma tüxü̃ changechaü̃ rü tüxü̃́ nüxü̃ ichayarüngüma ya tümaarü pecadu rü tümaarü chixexü̃ ya yíxema aixcüma chauga ĩnüexe. Natürü taxũtáma tüxü̃ chaxüpetümare ya yíxema chixexü̃ üxe. Rü tá tüxü̃ chapoxcu ñu̱xmata tümanegüwa rü tümataagüwa —ñanagürü.

Rü tama chanaxwa̱xe i ta̱xacürü tupananetaxü̃mare picua̱xüü̃gü erü choma ya pexrü Cori ya Tupana rü inuxwa̱xecü chixĩ rü ngẽmatama nixĩ i chauéga.

Rü Tupana rü Moichéxü̃ ñanagürü: —¡Choxü̃́ irüxĩnü! Rü guxü̃ma i curü duü̃xü̃güpe̱xewa tá chanaxü i wüxi i uneta rü tá pexü̃ charüngü̃xẽxẽxü̃. Rü tá chanaxü i mexü̃gü i taguma togü i nachixü̃ane i ñoma i naanewa ngẽxmagüxü̃wa chaxüxü̃. Rü guxü̃ma i curü duü̃xü̃gü i Iraétanüxü̃ tá nüxü̃ nadaugü i ngẽma mexü̃ i tá pemaxã chaxüxü̃ i choma ya Cori ya Tupana.