Populære bibelvers fra Ínachoxü̃xü̃chiga 10

Del

Rü Cori ya Tupana rü Moichéxü̃ ñanagürü: —¡Faraóü̃xü̃tawa naxũ! Erü choma rü tá íchayataiãchiarü maxü̃xã̱xẽxẽ i Faraóü̃ namaxã i guxü̃ma i norü ngü̃xẽẽruü̃gü nax nüxü̃ chanawéxü̃ca̱x i ngẽma cua̱xruü̃gü i ãũcümaxü̃ i chorü poramaxã chaxüxü̃. Rü ngẽmaãcü i cuma rü tá cunegümaxã rü cutaagümaxã nüxü̃ quixu nax ñuxãcü nüxü̃ chacugüxü̃ ga Equítuanecüã̱xgü rü ñuxãcü taxü̃ ga guxchaxü̃gü naxca̱x íchanguxẽẽxü̃. Rü ngẽmawa tá nüxna pecua̱xãchie nax choma chixĩxü̃ ya Cori ya Tupana —ñanagürü.

Rü yexguma ga Cori ya Tupana rü Moichéxü̃ ñanagürü: —¡Nawe̱xnagüchacüxü nax guxü̃ma i Equítuanewa nawaanexü̃ca̱x! —ñanagürü. Rü nüma ga Moiché rü nawe̱xnagüchacüxü rü poraãcü nawaane ga guxü̃ma ga Equítuanewa. Rü tomaepü̱x ga ngunexü̃ rü taxúema tümamücüxü̃ tadau, rü taxúema tümachicawa tixũgachi. Natürü yema Iraétanüxü̃patagüwa rü guxü̃wama nangóone.

Rü yexguma ga Moiché rü Equítuaneétügu nanawe̱x ga norü naixmena̱xã. Rü nüma ga Cori ya Tupana rü nanamu ga wüxi ga buanecü ga éstewaama ne ũcü ga guxü̃ ga chütaxü̃ rü ngunexü̃ yema nachixü̃aneétügu icuecü. Rü moxü̃ãcü rü gumá buanecü ga éstewaama ne ũemacügu ínangugü ga munügü. Rü yema munügü rü yema ngunexü̃gu guxü̃wama nanapáxẽxẽ ga yema nachixü̃ane. Rü nũxcüma rü taguma yemaacü namuxũchi ga munü, rü tagutáma wena ngẽxgumarüxü̃ ta nixĩ.