Populære bibelvers fra Amúx 5

Del

Natürü ngẽma pexü̃́ chanaxwa̱xexü̃ nixĩ nax guxü̃guma pemücügümaxã pixaixcümaxü̃ ñoma natü i guxü̃guma nagoxü̃chiüechaxü̃rüxü̃. Rü chanaxwa̱xe i ñoma dexá i chuxchuxü̃ i taguma gúxü̃rüxü̃ guxü̃guma mexü̃ nax pexüxü̃.

Rü dücax, Pa Ãẽ̱xgacügüx, rü name nixĩ i mexü̃ pexü rü nüxü̃ perüxoe i ngẽma chixexü̃, rü tá pemaxẽ. Rü ngẽmaãcü tá aixcüma Tupanape̱xewa pime ngẽma pegü pixugüxü̃rüxü̃. Rü nüma ya Cori ya Tupana ya Guxãétüwa Ngẽxmacü rü aixcüma tá petanüwa nangẽxma.

¡Rü naxchi pexaie i ngẽma chixexü̃! ¡Rü nüxü̃ pengechaxü̃ i ngẽma mexü̃! ¡Rü aixcüma mea penamexẽxẽ i tümaarü guxchaxü̃ i ngẽxguma texé pepe̱xewa tayamexẽxẽchaü̃gu! Rü bexmana ngẽmaãcü tá nixĩ ya Cori ya Tupana ya Guxãétüwa Ngẽxmacü rü tümamaxã yaxãũxãchixü̃ ya yíxema Iraétanüxü̃ ya íyaxügüxe.

Rü nüma ya Cori ya Tupana rü Iraétanüxü̃xü̃ ñanagürü: —¡Cha̱u̱xca̱x pexĩ rü tá pemaxẽ!