Populære bibelvers fra Amúx 2

Del

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Rü ñanagürü ta ya Cori ya Tupana: —Ngẽma Yudáanecüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma rü tama nanayaugü ga yema chorü ucu̱xẽgü, rü ñu̱xũchi tama naga naxĩnüe ga yema chorü mugü. Rü nüxü̃ nicua̱xüü̃gü ga yematama naxchicüna̱xãgü ga norü o̱xigü nüxü̃ icua̱xüü̃güxü̃.

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.