Populære bibelvers fra MATEUS 23

Del

Ulun ijo pongohajo ang louk ihkam koharusoh monjadi pohalu'kam.

Ulun ijo ngondiang aropoh ahkan tongopinda, tutang ulun ijo ngominda aropoh ahkan tongahtang.”

Colahka ihkam guru-guru agama tutang ulun-ulun Parisi! Ihkam tuhkang pura-pura. Karo-rarampah kolou selasih, adas manis, tutang jintan ka, ihkam nonga sepersopuluoh ahkan Tuhan. Padahar hal-hal ijo boguna ang hukum-hukum agama, kolou jahkaoh: Koadilan, balos kasih, tutang kosotiaan, eam ihkam podulioh. Padahar orih ijo koharusoh ihkam nguai, eam mohonou ijo bohko-bohkon ka'a.

Colahka ihkam guru-guru agama tutang ulun-ulun Parisi! Ihkam tuhkang pura-pura! Pikan-pikan tutang piring-piring'kam, ihkam muhioh borasih-rasih hila luaroh, padahar luwangoh kojilok samasino umba hal-hal ijo ihkam dahpotoh hapan kokarasan tutang kokuhu'kam.

“Yerusalem, Yerusalem! Nabi-nabi ihko munuoh. Suruhan-suruhan Pohotala ihkomukah umba bahtu nyiring mahtoi. Jari pira tikat Ahku jolik ngohihco paring ulun ponduduk'kam kolou pohukmanuk nguhkup anak-anakoh ang pinda ilatoh, tahpi ihko eam kani!

Kodorih ka'a ihkam. Tahkan luaroh ihkam, topahjahoh pios ahkan ulun; tahpi ang luwang ahtoi, ihkam tuwi umba alik tutang polanggaran-polanggaran.”