Populære bibelvers fra MATIUS 17

Del

Nesonomo Yesus, “Sabana nakura pomparasaya komi. Aku mpu'u-mpu'u notesa ka komi, ane pomparasaya komi aga sakedi lau ewa wua kayu to neliu nggakedi, da'a ria to da'a mamala rapowia komi. Komi mamala manguli ka bulu etu, ‘Polinja gu sa'amo,’ pade bulu etu kana molinja gu sa'a. [

Tempo Petrus danotesa ante Yesus, naratamo kulimu to nareme nombabungu ira, pade nggariara kulimu etu naria suara nanguli, “E'imo Anaku to nipotoweku. I'amo to nikonoa raraku. Epe komimo tesana!”

Pade nesonomo Yesus, “Iwenu tanu komi? Komimo tanu tau mpu'u-mpu'u da'a nomparasaya pade topesapuaka! Sakuyapa kasaena Aku kana mosanggani ante komi! Sakuyapa kasaena Aku kana mosabara ri ja'i komi! Kenimo wemaimo ngana etu!” Sangga naratapa ngana etu ri ngayona Yesus nompopalai seta to nompakaju'a i'a. Pade nalai mpu'umo seta etu nggari ja'ina. Pade tempo etu wo'u nabelomo ju'a ngana etu.