Populære bibelvers fra ZEFANYA 3

Del

Rilinrungiko ri PUWANG Allataalamu iya baranié. Pakalako nasaba akuwasan-Na. Marennui sibawa mariyo-riyoi PUWANGNGE nasaba iko, ri laleng pammasé-Na Nawérékko atuwong mabaru.

Poléi matu wettunna, pabbanuwamu iya tassiya-siyaé Upimpingngi lisu. Uwébbuko tarompo ri sininna linoé, sibawa adécéngemmu Upalisui matu paimeng.” PUWANGNGE pura mabbicara.

Saba' mappésauwi PUWANGNGE hukkukko; purai napaddésu sininna balimmu. Rilinrungiko ri arunna Israélié, PUWAM-mu muto. Makkekkuwangngé dé'na naparelluko métauna.

Poléi matu wettunna Uwancuru'i tau tenre'ékko, sibawa tau képpangngé Upassalama'i; sininna tau ripalié Upimpingngi lisu. Atunanna mennang Upinrai mancaji alebbireng; kégi-kégi, mala ri sininna linoé, ripakalebbii matu mennang sibawa ripoji.