Populære bibelvers fra MATIUS 7

Del

“Ellauno, namutarimai matu. Sappai, namulolongengngi matu. Getto'i, naritimpakekko matu tange'é.

Nasaba tau iya maréllauwé, natarimai matu; tau iya massappaé nalolongengngi matu; na tau iya maggettoé ritimpakengngi matu tange'.

“Tau iya méngkalingaéngngi ada-adak-Kué sibawa turusiwi, pada-padai tau mapanré iya patettongngéngngi bolana ri yasé'na batué.

Gaukengngi tau laingngé pada-pada iya muwéloriyé rigaukekko ri mennang. Iyanaro poko'na hukkunna Musa sibawa nappagguruwangngé nabi-nabié.”

Iyakiya macipii sibawa mawatangngi tange' nenniya laleng iya tiwiéngngi tauwé ri atuwongngé. Na banna céddé tau iya lolongengngéngngi.”

“Uttama'no lalo ri tange' macipié, saba' tange' sibawa laleng iya mattujué ri ranakaé battowa sibawa malowang, na maéga tau molai.

Namuni majako, iyakiya muwisseng towi mabbéréyangngi iya makessingngé lao ri ana'-ana'mu, apalagi Ambo'mu ri surugaé? Lebbi-lebbipi Ambo'mu ri surugaé nabbéréyangngi matu iya makessingngé lao ri tau iya méllauwéngngi ri Aléna.

“Aja' muwadélékiwi tau laingngé, kuwammengngi na alému dé'to nadélékiwi Allataala. Saba' pékkugiko madélékiwi tau laingngé, makkuwatoro Allataala madélékiko matu. Na ukkurang mupaké untu' tau laingngé, napaké towi matu Allataala untu' iko.

Na tau iya méngkalingaéngngi ada-adak-Kué, iyakiya dé' naturusiwi, pada-padai tau madonggoé iya patettongngéngngi bolana ri yasé'na kessi'é.

Magi muwitai bulisa'é ri laleng matanna silessuremmu, na balo'é ri laleng matammu dé' mupéneddingiwi? Pékkugi mulléi makkeda lao ri silessuremmu, ‘Laono mai upassurekko bulisa'é polé ri matammu’, na ri laleng matammu engka balo'?

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé. Muwissengngi matu mennang polé ri wassélé pangkaukenna. Alekale maddorié dé' napassu anggoro, sibawa alekale maddorié dé' napowassélé buwa ara.

Polé ri pong ngaju macommo'é rilolongengngi buwa makessingngé, na polé ri pong ngaju iya dé'é namacommo, buwa maja.

Pong ngaju macommo'é dé' nakkullé powassélé'i buwa majaé, sibawa pong ngaju iya dé'é namacommo dé' naulléi powassélé buwa makessingngé.

Tungke' pong ngaju iya dé'é naulléi powassélé buwa makessingngé, ritubbangngi naritunu.